Лінкі ўнівэрсальнага доступу

Рэпэтыцыя на Беларускай валютна-фондавай біржы


Тэставыя таргі на асноўнай і дадатковай сэсіях Валютна-фондавай біржы пройдуць 8 верасьня. Пачатак а 15-й гадзіне.

Дату і час вызначыў Нацыянальны банк.

У Нацбанку БелТА заявілі, што тэставыя таргі пройдуць з усталяваньнем фіксінга. Пры такім рэжыме курс вызначаецца ў момант супадзеньня сумарных заявак на куплю і продаж валюты, якія паступілі раней ад удзельнікаў сэсіі.

На навучальных таргах 8 верасьня можна ў тэставым рэжыме набываць і прадаваць даляры ЗША, эўра, расейскія рублі, швайцарскія франкі. На дадатковай сэсіі – яшчэ польскія злотыя і літоўскія літы.

Прадстаўнікі НБ адзначылі, што мэта тэставых таргоў ня вызначыць курсы валютаў, а "максымальна дакладна адрэгуляваць тэхнічныя аспэкты" працы дадатковай гандлёвай сэсіі.

Дадатковую сэсію на БВФБ плянуецца правесьці 15 верасьня.

30 жніўня на нарадзе па пытаньнях сацыяльна-эканамічнага разьвіцьця Аляксандар Лукашэнка заявіў, што ад сярэдзіны верасьня на БВФБ будуць праходзіць дадатковыя сэсіі, дзе ўдзельнікі змогуць свабодна набываць замежную валюту.

Глядзець камэнтары (1)

Гэтая дыскусія закрытая.
XS
SM
MD
LG