Лінкі ўнівэрсальнага доступу

Лукашэнка памілаваў яшчэ чатырох асуджаных за Плошчу


Аляксандр Лукашэнка памілаваў яшчэ чатырох асуджаных удзельнікаў падзеяў 19 сьнежня 2010 года ў Мінску, перадае БелаПАН.

Паводле інфармацыі прэсавай службы Лукашэнкі, адпаведны ўказ падпісаны «пасьля разгляду прашэньняў гэтых грамадзян аб памілаваньні».

«Асуджаныя заявілі аб раскаяньні, прызнаньні віны, ўсьведамленьні супрацьпраўнага характару сваіх дзеяньняў і аб гатоўнасьці ў далейшым строга выконваць заканадаўства Рэспублікі Беларусь», — гаворыцца ў паведамленьні прэсавай службы.

Прозьвішчы памілаваных у афіцыйным паведамленьні не называюцца.

Як паведаміла Свабодзе праваабаронца Наста Лойка, ёй вядомыя імёны двух з чатырох памілаваных — гэта маладафронтавец Алесь Кіркевіч і Андрэй Пратасеня. Паводле інфармацыі «Нашай нівы», трэці памілаваны — Алег Гнедчык.

Па наяўнай інфармацыі, і экс-кандыдаты ў прэзыдэнты Андрэй Саньнікаў, Мікалай Статкевіч і Дзьмітрый Вус прашэньняў аб памілаваньні не падавалі. Маці Алега Гьнедчыка ўжо накрывае на стол

Андрэй Пратасеня. Першыя фотаздымкі на волі

Алесь Пратасеня: «Еду на аўтавакзал сустракаць брата»

Жонка Алеся Кіркевіча Надзея чакае мужа

Андрэй Пратасеня

Андрэй Пратасеня
Нарадзіўся 12 сьнежня 1981 года. Скончыў факультэт прыкладной матэматыкі Белдзяржуніверсітэту. Працаваў праграмістам. Сябра АГП.

Быў валантэрам у агітацыйнай кампаніі кандыдата ў прэзыдэнты Яраслава Раманчука.

Затрыманы 9 лютага 2011 года. Яму прад’яўлена абвінавачанне па частцы 2 артыкула 293 крымінальнага кодэкса – “актыўны ўдзел у масавых беспарадках”. Знаходзіцца пад вартай у СІЗА КДБ.

Алесь Кіркевіч

Алесь Кіркевіч
Намесьнік старшыні «Маладога Фронту», кіраўнік яго Гарадзенскай філіі. Яму 21 год. Нарадзіўся ў Гародні ў сям’і гісторыкаў. Паступіў на гістарычны факультэт Гарадзенскага ўнівэрсытэта, аднак вырашыў адкласьці вучобу дзеля палітычнай дзейнасьці.

Арыштаваны 28 студзеня пасьля ператрусу ў яго на кватэры і допыту ў Гарадзенскім КДБ па справе аб масавых беспарадках. Адвезены ў Менск і зьмешчаны ў СІЗА КДБ. Яму прад’явілі абвінавачаньне паводле часткі 2 артыкула 293 крымінальнага кодэксу — актыўны ўдзел у масавых беспарадках.

Алег Гнедчык

Алег Гнедчык
Нарадзіўся ў 1986 годзе. Сябра «Маладога фронту».

У 2003—2005 гг. затрымліваўся праваахоўнымі органамі і караўся адміністратыўнымі арыштамі. У ліпені 2003 г. яшчэ непаўнагадовым быў затрыманы за распаўсюд інфармацыйных матэрыялаў «МФ» у Менску.

У 2006 г. быў асуджаны на 12 сутак арышту за ўдзел у намётавым мястэчку.
Затрыманы 6 студзеня. Да 9 студзеня знаходзіўся пад вартай і быў адпушчаны. 25 сакавіка вылучанае абвінавачваньне ва ўдзеле ў масавых беспарадках. Утрымліваецца ў турме на вуліцы Валадарскага.

Ваша меркаваньне

Паказаць камэнтары

XS
SM
MD
LG