Суд адхіліў скаргу на меру стрыманьня Бяляцкаму

16 жніўня суд Першамайскага раёна Менска адхіліў скаргу адваката Алеся Бяляцкага на абраную меру стрыманьня ў выглядзе ўзяцьця пад варту.

Разгляд скаргі адбываўся ў закрытым паседжаньні, паведамляе сайт праваабарончага цэнтра "Вясна".

12 жніўня, разам з выстаўленьнем Алесю Бяляцкаму абвінавачаньня ва ўтойваньні даходаў у асабліва буйным памеры, тэрмін утрыманьня праваабаронцы пад вартай быў працягнуты на 2 месяцы.

Старшыня праваабарончага цэнтру “Вясна”, віцэ-прэзідэнту Міжнароднай федэрацыі правоў чалавека Алесь Бяляцкі быў затрыманы 4 жніўня. У той жа дзень на офісе “Вясны” і на прыватнай кватэры праваабаронцы прайшлі вобшукі.