Адмовы з выканкамаў ідуць адна за адной: апошнюю атрымаў аршанскі актывіст Яўген Анішчанка. Колькі дзён таму акцыі ў падтрымку палітвязьняў былі забаронены ў Віцебску і Наваполацку.
Паводле актывіста камітэту па стварэньні партыі БХД Яўгена Анішчанкі, адмова на правядзеньне пікету за вызваленьне палітвязьняў супярэчыць зьместу папярэдняй размовы ў аршанскім гарвыканкаме.
Спадар Анішчанка меркаваў правесьці пікет 13 жніўня на адмыслова вызначаным уладамі месцы – на пляцоўцы каля ўваходу ў гарадзкі дзіцячы парк. У пісьмовай адмове гаворыцца, што ён ня мае дамоваў з мэдычнай службай і міліцыяй. Аднак, кажа актывіст, калі ён прыносіў у гарвыканкам заяўку на пікет, яму тлумачылі, што спачатку ён мусіць атрымаць дазвол ад мясцовых уладаў, а потым ужо дамаўляцца наконт аховы правапарадку ды мэдычнага абслугоўваньня на час масавага мерапрыемства .
Дамовы з міліцыяй, хуткай дапамогай і службамі ЖКГ паспрабавалі заключыць віцебскія актывісты Хрыстафор Жаляпаў і Аляксей Гаўруцікаў, калі падавалі заяўку на правядзеньне мітынгу дзеля падтрымкі палітвязьняў 4 ліпеня. Ні з адной з гэтых службаў дамовіцца не ўдалося.
У аддзеле ЖКГ Чыгуначнага раёну патлумачылі, што прыбіраюць пляцоўкі толькі пасьля санкцыянаваных мерапрыемстваў, і ніякіх папярэдніх дамоваў не заключаюць. У Чыгуначны аддзеле ўнутраных справаў заявілі, што ў дзень меркаванага пікету ў іх ня будзе вольных супрацоўнікаў, каб забясьпечыць правапарадак на мітынгу, бо ўсе яны будуць дзяжурыць у месцах масавага адпачынку грамадзян, дзіцячых летніках і на праваслаўным фэстывалі “Адыгітрыя”. Усе брыгады хуткай дапамогі таксама аказаліся занятыя, у тым ліку на праваслаўным фэстывалі, а таксама на футбольных спаборніцтвах.
У выніку праз адсутнасьць дамоваў мітынгу ў Парку культуры і адпачынку чыгуначнікаў віцебскія ўлады забаранілі.
Наваполацкі гарвыканкам адмовіў актывістам у правядзеньні пікету ў падтрымку Мікіты Ліхавіда зь іншай прычыны. Актывісты зьбіраліся правесьці яго 2 жніўня, каб прыцягнуць увагу грамадзкасьці да лёсу палітвязьня, актывіста руху “За свабоду”, які адбывае пакараньне ў наваполацкай папраўчай калёніі № 10.
Імпрэза мела адбыцца на адмыслова вызначаным месцы – на плошчы каля гарадзкога Палаца культуры. Але з гарвыканкаму заяўніку пікету Ўладзімеру Кунцэвічу паведамілі, што рашэньнем ад 22 ліпеня 2011 году плошча каля гарадзкога Палаца выключана з пераліку месцаў, дазволеных для правядзеньня масавых мерапрыемстваў.
Спадар Кунцэвіч зазначае, што заяўка ім была пададзены 18 ліпеня - за два тыдні да імпрэзы. А зьмены ў ранейшае рашэньне чыноўнікі выканкаму ўнесьлі якраз праз чатыры дні пасьля звароту актывістаў.
Паводле актывіста камітэту па стварэньні партыі БХД Яўгена Анішчанкі, адмова на правядзеньне пікету за вызваленьне палітвязьняў супярэчыць зьместу папярэдняй размовы ў аршанскім гарвыканкаме.
Спадар Анішчанка меркаваў правесьці пікет 13 жніўня на адмыслова вызначаным уладамі месцы – на пляцоўцы каля ўваходу ў гарадзкі дзіцячы парк. У пісьмовай адмове гаворыцца, што ён ня мае дамоваў з мэдычнай службай і міліцыяй. Аднак, кажа актывіст, калі ён прыносіў у гарвыканкам заяўку на пікет, яму тлумачылі, што спачатку ён мусіць атрымаць дазвол ад мясцовых уладаў, а потым ужо дамаўляцца наконт аховы правапарадку ды мэдычнага абслугоўваньня на час масавага мерапрыемства .
Дамовы з міліцыяй, хуткай дапамогай і службамі ЖКГ паспрабавалі заключыць віцебскія актывісты Хрыстафор Жаляпаў і Аляксей Гаўруцікаў, калі падавалі заяўку на правядзеньне мітынгу дзеля падтрымкі палітвязьняў 4 ліпеня. Ні з адной з гэтых службаў дамовіцца не ўдалося.
У аддзеле ЖКГ Чыгуначнага раёну патлумачылі, што прыбіраюць пляцоўкі толькі пасьля санкцыянаваных мерапрыемстваў, і ніякіх папярэдніх дамоваў не заключаюць. У Чыгуначны аддзеле ўнутраных справаў заявілі, што ў дзень меркаванага пікету ў іх ня будзе вольных супрацоўнікаў, каб забясьпечыць правапарадак на мітынгу, бо ўсе яны будуць дзяжурыць у месцах масавага адпачынку грамадзян, дзіцячых летніках і на праваслаўным фэстывалі “Адыгітрыя”. Усе брыгады хуткай дапамогі таксама аказаліся занятыя, у тым ліку на праваслаўным фэстывалі, а таксама на футбольных спаборніцтвах.
У выніку праз адсутнасьць дамоваў мітынгу ў Парку культуры і адпачынку чыгуначнікаў віцебскія ўлады забаранілі.
Наваполацкі гарвыканкам адмовіў актывістам у правядзеньні пікету ў падтрымку Мікіты Ліхавіда зь іншай прычыны. Актывісты зьбіраліся правесьці яго 2 жніўня, каб прыцягнуць увагу грамадзкасьці да лёсу палітвязьня, актывіста руху “За свабоду”, які адбывае пакараньне ў наваполацкай папраўчай калёніі № 10.
Імпрэза мела адбыцца на адмыслова вызначаным месцы – на плошчы каля гарадзкога Палаца культуры. Але з гарвыканкаму заяўніку пікету Ўладзімеру Кунцэвічу паведамілі, што рашэньнем ад 22 ліпеня 2011 году плошча каля гарадзкога Палаца выключана з пераліку месцаў, дазволеных для правядзеньня масавых мерапрыемстваў.
Спадар Кунцэвіч зазначае, што заяўка ім была пададзены 18 ліпеня - за два тыдні да імпрэзы. А зьмены ў ранейшае рашэньне чыноўнікі выканкаму ўнесьлі якраз праз чатыры дні пасьля звароту актывістаў.
