У Беларусі не задаволеныя расейскай палітыкай найбольш, чым дзе ў СНД

Як ацэньваюць у сьвеце палітыку Расеі? Адказ на гэтае пытаньне паспрабаваў знайсьці сацыялягічны цэнтар Gallup Organisation, правёўшы ў 2010 годзе апытаньне на гэты конт у 104 краінах сьвету. У сярэднім 27% сярод апытаных ухваляюць палітыку Масквы, 31% не ўхваляюць, траціна ня мае меркаваньня.

Значна больш за сярэдні ўзровень станоўчых ацэнак расейскай палітыкі назіраецца ў краінах былога СССР, там яе ўхваляюць у сярэднім 61% апытаных. Сярод 18 краін, дзе палітыку Расеі ўхваляе большасьць, больш за палову – былыя краіны СССР, былыя сацыялістычныя краіны і суседзі Расеі. Зьвяртае на сябе ўвагу, што ў Беларусі ўзровень ўхвалы расейскай палітыкі – найніжэйшы сярод краінаў СНД.

Яшчэ адзін рэгіён станоўчага стаўленьня да расейскай палітыкі – Паўночная Афрыка.

У той жа час расейская палітыка даволі нізка ацэньваецца ў краінах Заходняй Эўропы.

Вы ўхваляеце ці не ўхваляеце расейскую палітыку?