Лінкі ўнівэрсальнага доступу

Швэд спрабаваў пабудаваць ядзерны рэактар у сябе на кухні


Швэдзкая паліцыя затрымала 31-гадовага жыхара мястэчка Ангелгольм у заходняй Швэцыі пасьля таго, як ён спрабаваў пракансультавацца з уладамі на прадмет законнасьці пабудовы ядзернага рэактара ў кухні свайго дому.

Гэты мужчына пачаў свой экспэрымэнт шэсьць месяцаў назад, і, як паведамляецца, ні ад каго не хаваў плянаў пабудаваць ядзерны рэактар у сваёй кватэры ў невялікім прыбярэжным мястэчку. Да таго ж ён вёў блог пра свае ядзерныя прыгоды.

У паліцыі затрыманы патлумачыў, што яго цікавасьць да ядзернай фізыкі пачалася яшчэ ў падлеткавым узросьце і расказаў, што замовіў радыяактыўны матэрыял за мяжой і яшчэ троху яго здабыў, разабраўшы хатнюю пажарную сыгналізацыю.

Ня гледзячы на тое, што затрыманы дзейнічаў цалкам адкрыта, у поле зроку праваахоўных органаў ён трапіў толькі пару тыдняў таму, калі зьвярнуўся ў Швэдзкую ўправу радыяцыйнай бясьпекі, каб даведацца, наколькі законнай будзе пабудова рэактара ў хатніх умовах.

У адказ на зварот да яго ў кватэру паслалі спэцыялістаў для вымярэньня ўзроўню радыяцыі і, паводле суседкі затрыманага, узровень аказаўся нармальным.

Гаспадар кватэры быў арыштаваны паліцыяй і дастаўлены на допыт. Ён расказаў пра свае пляны і быў адпушчаны. Пасьля ён распавёў газэце, што калі б яму ўдалося пабудаваць ядзерны рэактар, ён бы пазбавіўся ўсялякіх праблемаў з атрыманьнем любой энэргіі для сваіх хатніх патрэбаў.

Гэты швэд пасьпеў выдаткаваць на свой праект каля 6000 крон ($ 950), але ўсё ягонае абсталяваньне было канфіскаванае. У выніку ён паведаміў журналістам, што мае намер засяродзіцца на "тэарэтычных" аспэктах ядзернай фізыкі.

Пра гэтую гісторыю расказала швэдзкае англамоўнае выданьне The Local
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG