НАДВОР'Е:
У Берасьці і Гомелі – кароткачасовыя дажджы, навальніца. На астатняй тэрыторыі краіны пераменная воблачнасьць без істотных ападкаў, тэмпэратуру ноччу +12 +14, днём +21 +23 С
НЕ ПРАХОДЗЬЦЕ МІМА:
Менск, Дом ураду, падвядзеньне вынікаў сацыяльна-эканамічнага разьвіцьця краіны за першае паўгодзьдзе 2011 году на пасяджэньні Савету Міністраў.
ТАМ, ДЗЕ НАС НЯМА:
Вашынгтон, апошні тэрмін для ўхвалы Кангрэсам ЗША новага ўзроўню дзяржаўнага доўгу
Дыярбакір, Турэччына, пасяджэньне суду над 150 курдзкімі палітыкамі і актывістамі, якіх абвінавачваюць у сувязях з Курдзкай Рабочай партыяй
ТАКСАМА Ў ГЭТЫ ДЗЕНЬ:
216 да н.э. – картагенскі вайскаводзец Ганібал пры Канах нанёс самую цяжкую паразу рымлянам за ўсю іх гісторыю
47 да н.э. – Гай Юліюс Цэзар, разьбіўшы баспорскага цара Фарнака, накіраваў у Сэнат рэляцыю "Veni, vedi, vici" (прыйшоў, убачыў, перамог).
1802 – плебісцытам Напалеон прызначаны пажыцьцёвым консулам Францыі.
1934 – пасьля сьмерці рэйхспрэзыдэнта Гіндэнбурга Адольф Гітлер абвешчаны фюрэрам Нямеччыны
1990 – уварваньне Іраку ў Кувэйт.
У гэты дзень нарадзіліся:
1549 ― Мікалай Крыштаф Радзівіл «Сіротка», дзяржаўны дзеяч Вялікага княства Літоўскага, вандроўнік
1990 ― Наста Палажанка, беларуская моладзевая дзяячка, намесьніца старшыні «Маладога Фронту»
У гэты дзень памерлі:
1589 ― Генрык Валезы, кароль польскі і вялікі князь літоўскі
1719 ― Караль Станіслаў Радзівіл, дзяржаўны дзеяч Вялікага Княства Літоўскага, канцлер ВКЛ, кавалер ордэну Белага Арла.
1833 ― Міхаіл Валовіч, арганізатар беларускага нацыянальна-вызвольнага руху, удзельнік паўстаньня 1830―1831 гадоў
1922 ― Аляксандар Бэл, амэрыканскi навукоўца, вынаходнiк тэлефону
ЁСЬЦЬ НАГОДА:
Беларусь – дзень дэсантніка
МІНУС 365:
Год таму на сайце Свабоды. Для апазыцыі прамаскоўскі кандыдат такі ж непрымальны, як Лукашэнка
цытата на памяць.
Сеньня нашы ворагі перамаглі б, каб у іх было, каму перамагчы
Гай Юліюс Цэзар