Праваабаронцы абскарджвалі папярэджаньне, якое ім вынесла Міністэрства юстыцыі.
Цяперашняе папярэджаньне ад Міністэрства юстыцыі для БХК ужо другое за год. Гэта азначае, што праз месяц чыноўнікі могуць падаць у суд заяву на ліквідацыю Беларускага Хэльсынскага камітэту.
Мін'юст вынес другое ў гэтым годзе пісьмовае папярэджаньне БХК 6 чэрвеня. Прычынай для яго сталі "парушэньні падатковага заканадаўства, якія носяць працяглы характар".
Канфлікт паміж падатковай інспэкцыяй і БХК, адзінай зарэгістраванай у Беларусі праваабарончай арганізацыяй, цягнецца ўжо больш за пяць гадоў. Падатковая інспэкцыя прад'явіла прэтэнзіі да БХК за нявыплату падаткаў на сродкі, атрыманыя ў якасьці гуманітарнай дапамогі па праграме ТАСІС. Праваабаронцы ж спасылаюцца на беларускае заканадаўства, якое вызваляла іх ад гэтых падаткаў.
Першае ў гэтым годзе папярэджаньне было вынесена БХК 12 студзеня. Мінюст зьвярнуў увагу на дзейнасьць аб'яднаньня пасьля таго, як праваабаронцы накіравалі паведамленьне пра ціск на адвакатаў - абаронцаў фігурантаў справы аб масавых беспарадках 19 сьнежня, а таксама аб іншых фактах перасьледу і запалохваньня адвакатаў у Беларусі. Паведамленьне было накіравана спэцдакладчыку ААН па пытаньнях незалежнасьці судзьдзяў і адвакатаў Габрыэле Кнаўль. Паводле Мін'юста, "меў месца распаўсюд недакладнай інфармацыі, якая дыскрэдытуе праваахоўныя органы і органы юстыцыі Рэспублікі Беларусь".
Цяперашняе папярэджаньне ад Міністэрства юстыцыі для БХК ужо другое за год. Гэта азначае, што праз месяц чыноўнікі могуць падаць у суд заяву на ліквідацыю Беларускага Хэльсынскага камітэту.
Мін'юст вынес другое ў гэтым годзе пісьмовае папярэджаньне БХК 6 чэрвеня. Прычынай для яго сталі "парушэньні падатковага заканадаўства, якія носяць працяглы характар".
Канфлікт паміж падатковай інспэкцыяй і БХК, адзінай зарэгістраванай у Беларусі праваабарончай арганізацыяй, цягнецца ўжо больш за пяць гадоў. Падатковая інспэкцыя прад'явіла прэтэнзіі да БХК за нявыплату падаткаў на сродкі, атрыманыя ў якасьці гуманітарнай дапамогі па праграме ТАСІС. Праваабаронцы ж спасылаюцца на беларускае заканадаўства, якое вызваляла іх ад гэтых падаткаў.
Першае ў гэтым годзе папярэджаньне было вынесена БХК 12 студзеня. Мінюст зьвярнуў увагу на дзейнасьць аб'яднаньня пасьля таго, як праваабаронцы накіравалі паведамленьне пра ціск на адвакатаў - абаронцаў фігурантаў справы аб масавых беспарадках 19 сьнежня, а таксама аб іншых фактах перасьледу і запалохваньня адвакатаў у Беларусі. Паведамленьне было накіравана спэцдакладчыку ААН па пытаньнях незалежнасьці судзьдзяў і адвакатаў Габрыэле Кнаўль. Паводле Мін'юста, "меў месца распаўсюд недакладнай інфармацыі, якая дыскрэдытуе праваахоўныя органы і органы юстыцыі Рэспублікі Беларусь".
