27 ліпеня ў некаторых рэгіёнах Беларусі адбылася чарговая акцыя маўклівага пратэсту. Гэтым разам яна не была масавай.
20.38 У Бабруйску й Магілёве адбыліся маўклівыя акцыі пратэсту
20.05 Бяроза: цэнтральная плошча ахоўвалася міліцыянтамі. На лаваўках сядзела каля дзесяці чалавек, якіх складана было адрозьніць ад звычайных мінакоў. Затрыманьняў не было.
20.00 Белаазёрск: На акцыю на галоўную плошчу а 19 гадзіне сабралася дзесяць чалавек.
Да іх адразу ж падышлі міліцыянты. Паглядзеўшы пашпарты пратэстоўцаў, яны настойліва папрасілі пакінуць плошчу. Як адзначыў адзін з удзельнікаў акцыі, міліцыянтаў тут было па аднаму на кожнага пратэстоўца. Асабіста сюды прыйшоў начальнік мясцовага гарадзкога аддзела унутраных справаў, прыехаў і намесьнік старшыні РАУС зь Бярозы.
Калі пратэстоўцы сышлі з плошчы на процілеглы бок вуліцы і спыніліся на прыпынку, то міліцыянты падышлі да іх і туды. На пытаньне, чаму нельга знаходзіцца і па-за плошчай, начальнік мясцовай міліцыі ці жартам, ці усур'ёз, сказаў, што "заўтра правядзем паседжаньне гарвыканкама і зацьвердзім межы плошчы", каб ня узьнікала спрэчных пытаньняў.
Увогуле, белаазёрскія актывісты адзначылі, што міліцыянты праводзілі "тлумачальную працу" на плошчы досыць выбарачна – ведалі, да каго падыходзіць.
Затрыманьняў у Белаазёрску не было. Акцыя скончылася а 19.30, міліцыянты дзяжурылі да восьмай гадзіны.
19.40 Берасьце: на акцыі маўклівага пратэсту затрымана як меней 2 чалавекі.
Акцыя адбывалася каля кінатэатра "Беларусь" на вуліцы Савецкай.
Тут сабралася каля 20 пратэстоўцаў. Пляцоўку каля кінатэатра патрулявалі пяць міліцыянтаў і некалькі асобаў у цывільным. За кінатэатрам стаяў міліцэйскі УАЗік і аўтамабіль супрацоўнікаў ДАІ.
А 19.30 каля дзесяці чалавек пачалі гучна пляскаць у далоні, нягледзячы на тое, што літаральна з двух метраў за імі назіралі міліцыянты.
Урэшце апошнія падыйшлі да пратэстоўцаў і павялі аднаго з удзельнікаў акцыі ў міліцэйскую машыну.
Аднак, калі уазік ад'язджаў, то ў ім знаходзіліся два пратэстоўцы.
Пакуль невядомыя імёны затрыманых.
Міліцыянты падыйшлі да пратэстоўцаў, якія пляскалі ў далоні
Міліцыянты вядуць удзельніка акцыі ва ЎАЗік
19.20 У Магілёве традыцыйнае месца збору удзельнікаў маўклівай акцыі пратэсту ачэпленае міліцыянтамі. Ля сквэру насупраць плошчы Леніна стаіць аўтобус міліцэйскага спэцназу. У самім сквэры людзей няма. Колькі чалавек прыйшло на акцыю выявіць складана. Некалькі групаў моладзі гуртуецца на пляцоўцы перад Беларуска-Расейскім унівэрсытэтам.
Традыцыйна па серадах маўклівыя акцыі пратэсту ў Магілёве адбываюцца ў сквэры насупраць плошчы Леніна а 19 гадзіне. Сёньня месца акцыі было зьмененае. Удзельнікаў заклікалі сабрацца на Віленскім рынку. Прыйшло дзесятак чалавек.
Глядзець "Рэвалюцыя праз сацыяльную сетку" ў рэгіёнах. 27 ліпеня 2011 на вялікай мапе
На Магілёўшчыне новы фармат правядзеньня маўклівых акцыяў пратэсту падтрымалі толькі ў абласным цэнтры. Каля дзясятка ўдзельнікаў прыйшлі на мясцовы Віленскі рынак.
На новае месца правядзеньня маўклівых пратэстаў традыцыйна першымі зьявіліся міліцыянты. Адзін зь іх быў у форме. Удзельнікі акцыі сьцьвярджаюць, што бальшыня міліцыянтаў тоілася ў цывільным між павільёнамі. У цывільным быў і адзін з кіраўнікоў абласной міліцыі палкоўнік Мікалай Алёнушкін.
“Да нас падышоў міліцыянт. Мы стаялі на ўваходзе. Запытаўся: “Што вы тут робіце, чаго вы тут стаіце?”. Праверыў нашы пашпарты. Па рынку шмат хадзіла супрацоўнікаў спэцслужбаў у цывільным. Іх было болей за нас. Людзі наагул баяцца, бо могуць і проста так забраць. У асноўным мы размаўлялі між сабой, крыху слухалі музыку”, паведаміў пра акцыю адзін зь яе ўдзельнікаў — Валянцін.
Дзясятак “маўчуноў” сабраліся на месцы, вольным ад павільёнаў. Гэтая пустка ўтварылася за час сёлетняга крызісу. Прадпрымальнікі вырашылі згарнуць бізнэс альбо перачакаць няпростыя часы. Ці выказвалі гандляры салідарнасьць з акцыяй пратэсту? — пытаюся ў яе ўдзельніка Сяргея:
“Мне здаецца, што ім было ўсё роўна. Яны, здаецца, ня ведалі пра акцыю альбо рабілі выгляд, што ня ведаюць. Я мяркую, што варта вярнуцца да традыцыйных формаў правядзеньня акцыі — як было ў мінулую сераду. Ну, і мне здаецца, што яна была не падрыхтаваная”.
У Бабруйску маўклівая акцыя пратэсту мае адбыцца ў традыцыйны час — а 19-й гадзіне ў цэнтры гораду. Не было акцыяў на рынках у Асіповічах і Горках. Тут таксама людзі зьбіраюцца ў гарадзкім цэнтры.
Сёньняшняй “маўклівай” акцыі на Гарадзеншчыне практычна не адбылося, нягледзячы на тое, што першыя зьбіралі каля тысячы удзельнікаў.
Сёньня маўклівая акцыя адбылася толькі на Слонімскім рынку. У ёй узялі ўдзел тры чалавекі. Ніхто з міліцыянтаў іх не чапаў, яны спакойна разышліся.
Дарэчы, “маўклівыя” акцыі ў Слоніме ўвесь час былі нешматлікімі, там нікога ні разу не затрымлівалі.
У Ваўкавыску ўдзельнікі акцый мне патлумачылі, што сёньня ў іх рынак не працуе, і таму яны, як звычайна, увечары зьбяруцца на плошчы.
Тое самае ў мястэчку Бярозаўка Лідзкага раёну.
А вось у Лідзе першыя акцыі налічвалі да 80 удзельнікаў, а сёньня не было нікога. Адзін з удзельнікаў патлумачыў гэта тым, што амаль усе зазналі ціск з боку сілавых органаў, шмат каго выклікалі ў КДБ, а за гэты час новых людзей не дадалося:
“Пакуль ізноў цэны ня вырастуць альбо ня будзе дэвальвацыі, нашы людзі ня пойдуць на акцыі — гэта мая асабістая думка. Як у тым анэкдоце пра беларуса: павісеў-павісеў на шыбеніцы і прызвычаіўся…”.
Гарадзенскі праваабаронца Віктар Сазонаў, аналізуючы сытуацыю, кажа пра дзьве прычыны таго, што акцыі заціхлі. Па-першае, ён адзначае жорсткі ціск і апрацоўку ўдзельнікаў супрацоўнікамі КДБ і жорсткае абыходжаньне пры затрыманьнях, якія чыняць людзі ў цывільным.
З другога боку, Сазонаў тлумачыць спад актыўнасьці акцый тым, што ўдзельнікі ня маюць пакуль ніякай ідэалёгіі, якая б прымушала іх нічога не баяцца і ўдзельнічаць у акцыях, нягледзячы на рэпрэсіі. Праўда, праваабаронца перакананы, што гэта толькі часовы зацішак падчас лета:
“Людзі думалі, што яны мірна выходзяць і іх ніхто ня будзе чапаць, іх колькасьць з кожным днём будзе расьці, а аказалася, што ўсё зусім ня так. І таму гэтая хваля спала, і цяпер людзі будуць пераасэнсоўваць, што ўсё ж адбылося, рабіць высновы і будаваць новыя пляны. Так, я думаю, што гэта яшчэ не канец, і цалкам магчыма, што хутка адродзіцца ў нейкай іншай форме”.
У Берасьці на дзясятую маўклівую акцыю сабралася каля 20 чалавек. Акцыя распачалася а 13-й гадзіне на Цэнтральным рынку і была сапраўды маўклівай, бо традыцыйных аплядысмэнтаў гэтым разам не было.
Людзі спачатку прайшліся па рынку, а пасьля сабраліся на пляцоўцы каля галоўнага ўваходу, дзе пастаялі нядоўга і хутка разышліся. Міліцыянты і асобы ў цывільным не абмінулі і гэтую акцыю, але затрыманьняў на рынку не было.
Аднак зь незразумелых прычын не адказваюць тэлефоны некаторых актывістаў, якіх звычайна прэвэнтыўна затрымліваюць перад кожнай акцыяй.
У Белаазёрску час правядзеньня акцыі не мяняецца. Яна мае адбыцца а 19 гадзіне на галоўнай плошчы гораду. Але на выпадак, калі плошчу перакрыюць, белаазёрскія актывісты дамовіліся сустрэцца насупраць, на аўтобусным прыпынку.
20.38 У Бабруйску й Магілёве адбыліся маўклівыя акцыі пратэсту
20.05 Бяроза: цэнтральная плошча ахоўвалася міліцыянтамі. На лаваўках сядзела каля дзесяці чалавек, якіх складана было адрозьніць ад звычайных мінакоў. Затрыманьняў не было.
20.00 Белаазёрск: На акцыю на галоўную плошчу а 19 гадзіне сабралася дзесяць чалавек.
Да іх адразу ж падышлі міліцыянты. Паглядзеўшы пашпарты пратэстоўцаў, яны настойліва папрасілі пакінуць плошчу. Як адзначыў адзін з удзельнікаў акцыі, міліцыянтаў тут было па аднаму на кожнага пратэстоўца. Асабіста сюды прыйшоў начальнік мясцовага гарадзкога аддзела унутраных справаў, прыехаў і намесьнік старшыні РАУС зь Бярозы.
Калі пратэстоўцы сышлі з плошчы на процілеглы бок вуліцы і спыніліся на прыпынку, то міліцыянты падышлі да іх і туды. На пытаньне, чаму нельга знаходзіцца і па-за плошчай, начальнік мясцовай міліцыі ці жартам, ці усур'ёз, сказаў, што "заўтра правядзем паседжаньне гарвыканкама і зацьвердзім межы плошчы", каб ня узьнікала спрэчных пытаньняў.
Увогуле, белаазёрскія актывісты адзначылі, што міліцыянты праводзілі "тлумачальную працу" на плошчы досыць выбарачна – ведалі, да каго падыходзіць.
Затрыманьняў у Белаазёрску не было. Акцыя скончылася а 19.30, міліцыянты дзяжурылі да восьмай гадзіны.
19.40 Берасьце: на акцыі маўклівага пратэсту затрымана як меней 2 чалавекі.
Акцыя адбывалася каля кінатэатра "Беларусь" на вуліцы Савецкай.
Тут сабралася каля 20 пратэстоўцаў. Пляцоўку каля кінатэатра патрулявалі пяць міліцыянтаў і некалькі асобаў у цывільным. За кінатэатрам стаяў міліцэйскі УАЗік і аўтамабіль супрацоўнікаў ДАІ.
А 19.30 каля дзесяці чалавек пачалі гучна пляскаць у далоні, нягледзячы на тое, што літаральна з двух метраў за імі назіралі міліцыянты.
Урэшце апошнія падыйшлі да пратэстоўцаў і павялі аднаго з удзельнікаў акцыі ў міліцэйскую машыну.
Аднак, калі уазік ад'язджаў, то ў ім знаходзіліся два пратэстоўцы.
Пакуль невядомыя імёны затрыманых.
19.20 У Магілёве традыцыйнае месца збору удзельнікаў маўклівай акцыі пратэсту ачэпленае міліцыянтамі. Ля сквэру насупраць плошчы Леніна стаіць аўтобус міліцэйскага спэцназу. У самім сквэры людзей няма. Колькі чалавек прыйшло на акцыю выявіць складана. Некалькі групаў моладзі гуртуецца на пляцоўцы перад Беларуска-Расейскім унівэрсытэтам.
Традыцыйна па серадах маўклівыя акцыі пратэсту ў Магілёве адбываюцца ў сквэры насупраць плошчы Леніна а 19 гадзіне. Сёньня месца акцыі было зьмененае. Удзельнікаў заклікалі сабрацца на Віленскім рынку. Прыйшло дзесятак чалавек.
Глядзець "Рэвалюцыя праз сацыяльную сетку" ў рэгіёнах. 27 ліпеня 2011 на вялікай мапе
МАГІЛЁЎШЧЫНА: Прыйшлі толькі дзесяць чалавек
На Магілёўшчыне новы фармат правядзеньня маўклівых акцыяў пратэсту падтрымалі толькі ў абласным цэнтры. Каля дзясятка ўдзельнікаў прыйшлі на мясцовы Віленскі рынак.
На новае месца правядзеньня маўклівых пратэстаў традыцыйна першымі зьявіліся міліцыянты. Адзін зь іх быў у форме. Удзельнікі акцыі сьцьвярджаюць, што бальшыня міліцыянтаў тоілася ў цывільным між павільёнамі. У цывільным быў і адзін з кіраўнікоў абласной міліцыі палкоўнік Мікалай Алёнушкін.
“Да нас падышоў міліцыянт. Мы стаялі на ўваходзе. Запытаўся: “Што вы тут робіце, чаго вы тут стаіце?”. Праверыў нашы пашпарты. Па рынку шмат хадзіла супрацоўнікаў спэцслужбаў у цывільным. Іх было болей за нас. Людзі наагул баяцца, бо могуць і проста так забраць. У асноўным мы размаўлялі між сабой, крыху слухалі музыку”, паведаміў пра акцыю адзін зь яе ўдзельнікаў — Валянцін.
Дзясятак “маўчуноў” сабраліся на месцы, вольным ад павільёнаў. Гэтая пустка ўтварылася за час сёлетняга крызісу. Прадпрымальнікі вырашылі згарнуць бізнэс альбо перачакаць няпростыя часы. Ці выказвалі гандляры салідарнасьць з акцыяй пратэсту? — пытаюся ў яе ўдзельніка Сяргея:
“Мне здаецца, што ім было ўсё роўна. Яны, здаецца, ня ведалі пра акцыю альбо рабілі выгляд, што ня ведаюць. Я мяркую, што варта вярнуцца да традыцыйных формаў правядзеньня акцыі — як было ў мінулую сераду. Ну, і мне здаецца, што яна была не падрыхтаваная”.
У Бабруйску маўклівая акцыя пратэсту мае адбыцца ў традыцыйны час — а 19-й гадзіне ў цэнтры гораду. Не было акцыяў на рынках у Асіповічах і Горках. Тут таксама людзі зьбіраюцца ў гарадзкім цэнтры.
ГАРАДЗЕНШЧЫНА: Акцыю плянавалі, але не правялі
Сёньняшняй “маўклівай” акцыі на Гарадзеншчыне практычна не адбылося, нягледзячы на тое, што першыя зьбіралі каля тысячы удзельнікаў.
Сёньня маўклівая акцыя адбылася толькі на Слонімскім рынку. У ёй узялі ўдзел тры чалавекі. Ніхто з міліцыянтаў іх не чапаў, яны спакойна разышліся.
Дарэчы, “маўклівыя” акцыі ў Слоніме ўвесь час былі нешматлікімі, там нікога ні разу не затрымлівалі.
У Ваўкавыску ўдзельнікі акцый мне патлумачылі, што сёньня ў іх рынак не працуе, і таму яны, як звычайна, увечары зьбяруцца на плошчы.
Тое самае ў мястэчку Бярозаўка Лідзкага раёну.
А вось у Лідзе першыя акцыі налічвалі да 80 удзельнікаў, а сёньня не было нікога. Адзін з удзельнікаў патлумачыў гэта тым, што амаль усе зазналі ціск з боку сілавых органаў, шмат каго выклікалі ў КДБ, а за гэты час новых людзей не дадалося:
“Пакуль ізноў цэны ня вырастуць альбо ня будзе дэвальвацыі, нашы людзі ня пойдуць на акцыі — гэта мая асабістая думка. Як у тым анэкдоце пра беларуса: павісеў-павісеў на шыбеніцы і прызвычаіўся…”.
З другога боку, Сазонаў тлумачыць спад актыўнасьці акцый тым, што ўдзельнікі ня маюць пакуль ніякай ідэалёгіі, якая б прымушала іх нічога не баяцца і ўдзельнічаць у акцыях, нягледзячы на рэпрэсіі. Праўда, праваабаронца перакананы, што гэта толькі часовы зацішак падчас лета:
“Людзі думалі, што яны мірна выходзяць і іх ніхто ня будзе чапаць, іх колькасьць з кожным днём будзе расьці, а аказалася, што ўсё зусім ня так. І таму гэтая хваля спала, і цяпер людзі будуць пераасэнсоўваць, што ўсё ж адбылося, рабіць высновы і будаваць новыя пляны. Так, я думаю, што гэта яшчэ не канец, і цалкам магчыма, што хутка адродзіцца ў нейкай іншай форме”.
БЕРАСЬЦЕЙШЧЫНА: Традыцыйных аплядысмэнтаў не было
У Берасьці на дзясятую маўклівую акцыю сабралася каля 20 чалавек. Акцыя распачалася а 13-й гадзіне на Цэнтральным рынку і была сапраўды маўклівай, бо традыцыйных аплядысмэнтаў гэтым разам не было.
Людзі спачатку прайшліся па рынку, а пасьля сабраліся на пляцоўцы каля галоўнага ўваходу, дзе пастаялі нядоўга і хутка разышліся. Міліцыянты і асобы ў цывільным не абмінулі і гэтую акцыю, але затрыманьняў на рынку не было.
Аднак зь незразумелых прычын не адказваюць тэлефоны некаторых актывістаў, якіх звычайна прэвэнтыўна затрымліваюць перад кожнай акцыяй.
У Белаазёрску час правядзеньня акцыі не мяняецца. Яна мае адбыцца а 19 гадзіне на галоўнай плошчы гораду. Але на выпадак, калі плошчу перакрыюць, белаазёрскія актывісты дамовіліся сустрэцца насупраць, на аўтобусным прыпынку.
