Пасол Францыі ў Беларусі Мішэль Рынэры перакананы, што беларускія ўлады павінны выпусьціць іншадумцаў з турмаў.
"Гісторыя паказвае, што наяўнасьць іншадумцаў у турмах ніколі не ўзьвялічвала дзяржаву", — заявіў Рынэры на ўрачыстым прыёме ў гонар нацыянальнага сьвята — Дня ўзяцьця Бастыліі. Пры гэтым ён параўнаў сёньняшніх асуджаных прадстаўнікоў палітычных партый і грамадзянскай супольнасьці ў Беларусі зь вялікімі вязьнямі Бастыліі, перадае Інтэрфакс.
"Сёньня сьвет добра памятае імёны вязьняў Бастыліі: Вальтэр, Бамаршэ. Але імёны судзьдзяў гісторыя забылася назаўсёды!" — сказаў францускі дыплямат.
Ён адзначыў, што "пытаньне прымірэньня цяпер досыць актуальнае для Беларусі".
"Я лічу, што ваша краіна стане мацнейшаю, калі на яе тэрыторыі будуць улічвацца ўсе думкі. Францыя хацела б супрацоўнічаць менавіта з аб'яднанай і прыміранай Беларусьсю", — адзначыў дыплямат.
Выступ амбасадара быў сустрэты гучнымі і працяглымі аплядысмэнтамі, на што ён заўважыў: "пляскаць у ладкі сёньня можна".
"Гісторыя паказвае, што наяўнасьць іншадумцаў у турмах ніколі не ўзьвялічвала дзяржаву", — заявіў Рынэры на ўрачыстым прыёме ў гонар нацыянальнага сьвята — Дня ўзяцьця Бастыліі. Пры гэтым ён параўнаў сёньняшніх асуджаных прадстаўнікоў палітычных партый і грамадзянскай супольнасьці ў Беларусі зь вялікімі вязьнямі Бастыліі, перадае Інтэрфакс.
"Сёньня сьвет добра памятае імёны вязьняў Бастыліі: Вальтэр, Бамаршэ. Але імёны судзьдзяў гісторыя забылася назаўсёды!" — сказаў францускі дыплямат.
Ён адзначыў, што "пытаньне прымірэньня цяпер досыць актуальнае для Беларусі".
"Я лічу, што ваша краіна стане мацнейшаю, калі на яе тэрыторыі будуць улічвацца ўсе думкі. Францыя хацела б супрацоўнічаць менавіта з аб'яднанай і прыміранай Беларусьсю", — адзначыў дыплямат.
Выступ амбасадара быў сустрэты гучнымі і працяглымі аплядысмэнтамі, на што ён заўважыў: "пляскаць у ладкі сёньня можна".
