Лінкі ўнівэрсальнага доступу

Прызнаньне першага віцэ-прэм'ера


Першы віцэ-прэм’ер Беларусі Ўладзімер Сямашка
Першы віцэ-прэм’ер Беларусі Ўладзімер Сямашка
Першы намесьнік кіраўніка ўраду Беларусі Ўладзімер Сямашка лічыць, што адной з прычын фінансава-эканамічнага крызісу ў краіне стаў рэзкі рост заработнай платы ў сьнежні 2010 году.

"Я лічу, да цяперашняга становішча прывялі тры прычыны: па-першае – рост коштаў на энэрганосьбіты, па-другое - памылковая манэтарная палітыка Нацбанку, па-трэцяе - рэзкі рост заработнай платы ў сьнежні мінулага году", - заявіў У. Сямашка, наведваючы Беларускі мэталюргічны завод. Яго выказваньні прыводзіць агенцтва Інтэрфакс са спасылкай на прэсавую службу прадпрыемства.

Абяцаньне падвысіць сярэдні заробак у краіне да 500 даляраў было адным з асноўных падчас леташняй перадвыбарчай кампаніі Аляксандра Лукашэнкі.

Выступаючы на БМЗ, першы віцэ-прэм'ер адзначыў, што зараз у Беларусі распрацаваная "праграма дзеяньняў, якая дазваляе да канца году стабілізаваць сытуацыю ў краіне". У. Сямашка падкрэсьліў, што тэмпы росту заработнай платы ў арганізацыях і на прадпрыемствах не павінны апярэджваць тэмпы росту прадукцыйнасьці працы.

Адказваючы на ​пытаньні работнікаў БМЗ аб магчымасьці росту тарыфаў на паслугі ЖКГ, У. Сямашка запэўніў, што яны для насельніцтва падвышацца не будуць.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG