Старшыня АБСЭ заклікаў вызваліць беларускіх пратэстоўцаў

Дзейны старшыня АБСЭ, міністар замежных спраў Літвы
Аўдронюс Ажубаліс выказаў сур'ёзную заклапочанасьць і шкадаваньне з нагоды працягу гвалту з боку беларускіх уладаў супраць сваіх суграмадзянаў, якія мелі намер ажыцьцяўвіць свае грамадзянскія свабоды і правесьці мірныя публічныя дэманстрацыі.

"Я заклікаю беларускія ўлады вызваліць затрыманых, а ў далейшым
ўстрымлівацца ад ужыцьця гвалту ў дачыненьні да мірных грамадзян і забясьпечваць павагу да фундамэнтальных правоў і свабодаў чалавека", -- заявіў Аўдронюс Ажубаліс.