Кіраўнік Берасьцейскага аблвыканкаму Канстанцін Сумар адмовіўся завізаваць пастанову ўраду па так званай «пяцідзёнцы» – рашэньні, паводле якога людзі на асабістых аўтамабілях могуць перасякаць мяжу Беларусі раз у пяць дзён.
«Што тычыцца паездак нашых суайчыньнікаў за мяжу, то я быў адзіным з губэрнатараў, хто не завізаваў ўрадавае рашэньне па так званай «пяцідзёнцы». Я пісьмова прапанаваў не абмяжоўваць правоў грамадзян на свабоднае перамяшчэньне – урэшце яно гарантаванае Канстытуцыяй, – растлумачыў Канстанцін Сумар газэце «Вечерний Брест». – Сутнасьць прапановы зводзілася да наступнага: хай людзі едуць за мяжу хоць штодня, але ў баку аўтамашыны не павінна быць больш за 10 літраў бэнзіну, а ў багажніку – тавараў. Я сустракаўся зь людзьмі на мяжы і падзяляю абурэньне грамадзян. Таму што камусьці трэба паехаць да сяброў або сваякоў, на пахаваньне або ўрачыстасьць, на лячэньне або экскурсію».
«Што тычыцца паездак нашых суайчыньнікаў за мяжу, то я быў адзіным з губэрнатараў, хто не завізаваў ўрадавае рашэньне па так званай «пяцідзёнцы». Я пісьмова прапанаваў не абмяжоўваць правоў грамадзян на свабоднае перамяшчэньне – урэшце яно гарантаванае Канстытуцыяй, – растлумачыў Канстанцін Сумар газэце «Вечерний Брест». – Сутнасьць прапановы зводзілася да наступнага: хай людзі едуць за мяжу хоць штодня, але ў баку аўтамашыны не павінна быць больш за 10 літраў бэнзіну, а ў багажніку – тавараў. Я сустракаўся зь людзьмі на мяжы і падзяляю абурэньне грамадзян. Таму што камусьці трэба паехаць да сяброў або сваякоў, на пахаваньне або ўрачыстасьць, на лячэньне або экскурсію».
Ваша меркаваньне
Паказаць камэнтары