Лінкі ўнівэрсальнага доступу

Магілёўшчына: Улады супрацьпастаўляюць маўклівым акцыям пратэсту канцэрты вызваленчай тэматыкі


У Магілёве й Бабруйску на месцы правядзеньня маўклівых акцыяў пратэсту "Рэвалюцыя праз сацыяльную сетку" ўлады правядуць свае мерапрыемствы.

У абласным цэнтры а 19 гадзіне, паводле афіцыйнай інфармацыі, з плошчы Леніна стартуе маратон "Дарогамі вайны". Як паведамляецца, у ім возьме ўдзел моладзь.

У Бабруйску, таксама на плошчы Леніна, заплянаваны канцэрт аркестру народных інструмэнтаў. Мерапрыемства прысьвечана гадавіне вызваленьня Бабруйску ад нямецка-фашысцкіх захопнікаў.

Удзельнікі акцыяў пратэсту ў Бабруйску й Магілёве традыцыйна па серадах зьбіраюцца а 19 гадзіне на падыходах да плошчаў Леніна. Дзьве апошнія акцыі праходзілі па-за плошчамі, бо тыя ачапіў міліцэйскі спэцназ. Гвалтам акцыі не разганялі. Пратэставаць моўчкі прыходзіць пераважна моладзь. У Магілёве вядомыя чатыры выпадкі, калі ўдзельнікі маўклівых акцыяў сутыкаліся зь міліцэйскім перасьледам.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG