У вайсковым парадзе 3 ліпеня ў Менску будзе задзейнічана каля трох тысяч вайскоўцаў і больш за 130 адзінак баявой тэхнікі.
Пра гэта паведаміла прэс-служба Міністэрства абароны Беларусі, перадае БелаПАН.
У парадзе таксама возьмуць удзел вайскоўцы і тэхніка ўзброеных сіл Расеі.
Рэпэтыцыі параду пройдуць у ноч з 27 на 28 чэрвеня і з 30 чэрвеня на 1 ліпеня. У сувязі з гэтым будзе абмежаваны рух транспарту.
Начальнік упраўленьня інфармацыі — прэс-сакратар галоўнага ўпраўленьня ідэалягічнай працы Міністэрства абароны палкоўнік Уладзімер Макараў адказаў грамадзкаму аб'яднаньню "Рух "За свабоду", якое заклікала ўлады адмяніць вайсковы парад у сувязі з эканамічным і палітычным крызісам у краіне.
У артыкуле, апублікаваным у "Беларускай ваеннай газэце", Уладзімер Макараў напісаў, што прапанаванай апазыцыянэрамі эканоміі сродкаў хапіла б на тое, каб выдаць кожнаму жыхару Беларусі ня больш як па 10 грамаў каўбасы.
"Вось яна — мяжа летуценьняў апазыцыянэраў — запаветная каўбаса, якую злая дзяржава адабрала ў свабодных людзей, якія пухнуць з голаду".
У гутарцы з БелаПАН Макараў не ўдакладніў, які менавіта гатунак каўбасы ўлічваўся пры падліках, але адзначыў, што гаворка ідзе пра самую танную каўбасу. Самай дарагой каўбасы, па яго словах, хапіла б ня больш як па адным граме.
Такім чынам, калі для спрашчэньня падлікаў колькасьць насельніцтва Беларусі прымаць у 10 мільёнаў чалавек, то кошт параду аказваецца супастаўным са 100 тонамі самай таннай каўбасы ці 10 тонамі самай дарогай.
Пра гэта паведаміла прэс-служба Міністэрства абароны Беларусі, перадае БелаПАН.
У парадзе таксама возьмуць удзел вайскоўцы і тэхніка ўзброеных сіл Расеі.
Рэпэтыцыі параду пройдуць у ноч з 27 на 28 чэрвеня і з 30 чэрвеня на 1 ліпеня. У сувязі з гэтым будзе абмежаваны рух транспарту.
Начальнік упраўленьня інфармацыі — прэс-сакратар галоўнага ўпраўленьня ідэалягічнай працы Міністэрства абароны палкоўнік Уладзімер Макараў адказаў грамадзкаму аб'яднаньню "Рух "За свабоду", якое заклікала ўлады адмяніць вайсковы парад у сувязі з эканамічным і палітычным крызісам у краіне.
У артыкуле, апублікаваным у "Беларускай ваеннай газэце", Уладзімер Макараў напісаў, што прапанаванай апазыцыянэрамі эканоміі сродкаў хапіла б на тое, каб выдаць кожнаму жыхару Беларусі ня больш як па 10 грамаў каўбасы.
"Вось яна — мяжа летуценьняў апазыцыянэраў — запаветная каўбаса, якую злая дзяржава адабрала ў свабодных людзей, якія пухнуць з голаду".
У гутарцы з БелаПАН Макараў не ўдакладніў, які менавіта гатунак каўбасы ўлічваўся пры падліках, але адзначыў, што гаворка ідзе пра самую танную каўбасу. Самай дарагой каўбасы, па яго словах, хапіла б ня больш як па адным граме.
Такім чынам, калі для спрашчэньня падлікаў колькасьць насельніцтва Беларусі прымаць у 10 мільёнаў чалавек, то кошт параду аказваецца супастаўным са 100 тонамі самай таннай каўбасы ці 10 тонамі самай дарогай.
