Лінкі ўнівэрсальнага доступу

Дакладчыкам ПАРЭ па Беларусі стаў Андрэс Хэркэль


Андрэс Хэркэль
Андрэс Хэркэль
Палітычны камітэт Парлямэнцкай Асамблеі Рады Эўропы (ПАРЭ) прызначыў кіраўніка эстонскай дэлегацыі ПАРЭ, чальца саюза правых партый "Айчына – Рэс Публіка" Андрэса Хэркеля асноўным дакладчыкам па Беларусі. Пра гэта інфармацыйнаму агенцтву REGNUM паведамілі ў канцылярыі парлямэнта Эстоніі.

Раней дакладчыкам Асамблеі па Беларусі была фінская парлямэнтарка Сініка Хурскайнэн.

Паводле Хэркеля, цяперашняя сытуацыя ў Беларусі складаная, эканамічнае становішча пагаршаецца, а абмежаваньні палітычных свабодаў яшчэ больш жорсткія, чым раней. Менавіта таму Беларусь павінна зьвярнуць увагу на даклад ПАРЭ, мяркуе Хэркель.

Па-першае, лічыць эстонскі парлямэнтар, улады Беларусі павінны зрабіць ясныя высновы з сваіх парушэньняў правоў чалавека і абмежаваньняў палітычных свабодаў. Па-другое, ПАРЭ павінна працаваць у шчыльным супрацоўніцтве з Эўрапейскім парлямэнтам і Парлямэнцкай асамблеяй АБСЭ, каб розныя эўрапейскія арганізацыі маглі лепш каардынаваць палітыку ў дачыненьні да Беларусі.

Пазьней на сайце чытайце інтэрвію з Андрэсам Хэркелем.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG