Гарэлку прапануюць піць у сьпякоту

Увядзеньне свабодных цэнаў на алькагольную прадукцыю ў Беларусі адкладаецца на два месяцы. Такое рашэньне прыняло Міністэрства эканомікі.

Згодна з папярэднімі рашэньнямі, ад 15 чэрвеня ў краіне плянавалася ўвесьці свабодныя адпускныя і розьнічныя кошты на алькаголь, мацнейшы за 28 градусаў. Аднак у самы апошні момант міністэрства "перадумала" адпускаць цэны на алькаголь.

Апошнім часам у Беларусі падвысіліся кошты на праезд у цягніках, таксоўках, аўтобусах. Падаражэў шэраг прадуктаў харчаваньня.