«Аль-Кайда» распаўсюдзіла відэазварот, зьняты пасьля забойства Ўсамы бін Ладэна. Зварот ўтрымлівае прамовы Аймана аль-Завахіры, які лічыўся другой пасьля бін Ладэна асобай у «Аль-Кайдзе», а таксама іншага лідэра арганізацыі -- Адама Гадана. Гадан заявіў, што мусульмане, якія жывуць на Захадзе, знаходзяцца ў ідэальнай сытуацыі для правядзеньня джыхада адносна «крыжакоў і сіяністаў». Лідэры «Аль-Кайды» заклікалі сваіх прыхільнікаў да індывідуальных актаў тэрору на «варожай тэрыторыі».
«Аль-Кайда» заклікала да індывідуальнага тэрору
