Прысуды анархістам: да васьмі гадоў турмы

Прысуд агучыла судзьдзя Заводзкога раёну Менску Жана Хвайніцкая.

Ігару Аліневічу — 8 год ў калёніі ўзмоцненага рэжыму
Мікалаю Дзядку — 4 з паловай гады ў калёніі ўзмоцненага рэжыму;
Аляксандру Францкевічу — 3 год калёніі ўзмоцненага рэжыму;
Максіму Веткіну — 4 гады абмежаваньня волі з накіраваньнем у папраўчыя ўстановы адкрытага тыпу («хімія»). Вызвалілі ў залі суду;
Яўгену Сілівончыку — паўтары гады абмежаваньня волі з накіраваньнем у папраўчыя ўстановы адкрытага тыпу («хімія»).



14.00 Адвакатаў пакуль няма. Працэс затрымліваецца.

На адным з папярэдніх паседжаньняў дзяржаўны абвінаваўца Артур Мірошнік запатрабаваў:

• Ігару Аліневічу — 9 год пазбаўленьня волі ў калёніі ўзмоцненага рэжыму з канфіскацыяй аўтамабіля;
• Мікалаю Дзядку — 6 год пазбаўленьня волі ў калёніі ўзмоцненага рэжыму;
• Аляксандру Францкевічу — 5 год пазбаўленьня волі ў калёніі ўзмоцненага рэжыму;
• Максіму Веткіну — 4 гады абмежаваньня волі з накіраваньнем у папраўчыя ўстановы адкрытага тыпу («хімія»);
• Яўгену Сілівончыку — 3 гады абмежаваньня волі з накіраваньнем у папраўчыя ўстановы адкрытага тыпу («хімія»).

Мікалай Дзядок абвінавачваецца:

• У арганізацыі шэсьця ля Генэральнага штабу Ўзброеных сілаў Беларусі ў верасьні 2009 году, праведзенага на знак пратэсту супраць сумесных беларуска-расейскіх вайсковых вучэньняў;
• У нападзе на казыно «Шангры-Ла» ў сьнежні 2009 году;
• У нападзе на будынак Фэдэрацыі прафсаюзаў Беларусі 30 красавіка 2010 году.

Ігар Аліневіч абвінавачваецца:

• У нападзе на расейскую амбасаду ў Менску ў верасьні 2010 году;
• У арганізацыі шэсьця ля Генэральнага штабу Ўзброеных сілаў Беларусі ў верасьні 2009 году;
• У нападзе на казыно «Шангры-Ла»;
• У падпале аддзяленьня «Беларусбанка» 31 мая 2010 году;
• У нападзе на турму на вуліцы Акрэсьціна 6 верасьня 2010 году.

Аляксандар Францкевіч абвінавачваецца:

• Ва ўдзеле ў шэсьці ля Генэральнага штабу Ўзброеных сілаў Беларусі ў верасьні 2009 году;
• У нападзе на будынак ФПБ;
• У нападзе на апорны пункт міліцыі ў Салігорску;
• Ва ўзломе сайта Наваполацкага гарвыканкаму;

Максім Веткін абвінавачваецца:

• У нападзе на амбасаду РФ;
• У падпале аддзяленьня «Беларусбанку».

Яўген Сілівончык абвінавачваецца:

У нападзе на апорны пункт міліцыі ў Салігорску.