Пакістан: 5 ахвяраў тэракту

На паўночным захадзе Пакістану як найменей 5 чалавек загінулі ў выніку выбуху. Паводле дадзеных паліцыі, бомба спрацавала каля адміністратыўнага будынку ў горадзе Хангу. Пакуль ніхто ня ўзяў на сябе адказнасьці за выбух.

Апошнімі тыднямі ў Пакістане сыстэматычна адбываюцца акты гвалту. Мясцовыя талібы заяўляюць, што помсьцяць за гібель Усамы бін Лядэна, забітага ў ноч на 2 траўня пад Ісламабадам у часе амэрыканскай спэцапэрацыі.