Даверанай асобе былога кандыдата ў прэзыдэнты Андрэя Саньнікава Зьмітру Бандарэнку, асуджанаму на два гады пазбаўленьня волі, неабходная апэрацыя.
Пра гэта БелаПАН паведаміла жонка Зьмітра Вольга Бандарэнка.
Паводле яе слоў, у сьледчым ізалятары МУС, дзе ўтрымліваецца Зьміцер Бандарэнка, яго агледзеў лекар-нэўроляг.
"Зьміцер у лісьце мне напісаў, што лекар пацьвердзіў — яму патрэбная апэрацыя. У яго чатыры грыжы дыскаў хрыбетніка, ушчэмленыя тры сьпіннамазгавыя нэрвы. Патрэбная апэрацыя, інакш ён можа быць зьнерухомлены. У Дзімы літаральна вісіць ступня, і ўсё можа скончыцца інваліднай каляскай", — паведаміла Вольга Бандарэнка.
Магчыма, у сувязі з заключэньнем спэцыяліста Зьмітра Бандарэнку могуць перавесьці ў турэмны шпіталь, сказала яна. Акрамя таго, гэта можа паўплываць на канчатковы тэрмін зьняволеньня, бо цяпер у Менскім гарадзкім судзе знаходзіцца касацыйная скарга на прысуд палітыку.
"Калі будзе разгледжана касацыйная скарга — невядома. Зьміцер, па стане на пятніцу, 20 траўня, яшчэ нават не атрымаў пратаколы судовага паседжаньня і не пачаў зь імі знаёміцца", — адзначыла Вольга Бандарэнка.
Пра гэта БелаПАН паведаміла жонка Зьмітра Вольга Бандарэнка.
Паводле яе слоў, у сьледчым ізалятары МУС, дзе ўтрымліваецца Зьміцер Бандарэнка, яго агледзеў лекар-нэўроляг.
"Зьміцер у лісьце мне напісаў, што лекар пацьвердзіў — яму патрэбная апэрацыя. У яго чатыры грыжы дыскаў хрыбетніка, ушчэмленыя тры сьпіннамазгавыя нэрвы. Патрэбная апэрацыя, інакш ён можа быць зьнерухомлены. У Дзімы літаральна вісіць ступня, і ўсё можа скончыцца інваліднай каляскай", — паведаміла Вольга Бандарэнка.
Магчыма, у сувязі з заключэньнем спэцыяліста Зьмітра Бандарэнку могуць перавесьці ў турэмны шпіталь, сказала яна. Акрамя таго, гэта можа паўплываць на канчатковы тэрмін зьняволеньня, бо цяпер у Менскім гарадзкім судзе знаходзіцца касацыйная скарга на прысуд палітыку.
"Калі будзе разгледжана касацыйная скарга — невядома. Зьміцер, па стане на пятніцу, 20 траўня, яшчэ нават не атрымаў пратаколы судовага паседжаньня і не пачаў зь імі знаёміцца", — адзначыла Вольга Бандарэнка.
