Прадстаўнікі лібійскіх уладаў прыбываюць сёньня ў Маскву, дзе сустрэнуцца зь кіраўніком МЗС Расеі Сяргеем Лаўровым.
Напярэдадні Лаўроў паведаміў, што некалькі тыдняў таму аб прыёме ў Маскве да расейскіх уладаў зьвярнуліся прадстаўнікі абодвух бакоў канфлікту ў Лібіі, а таксама спэцыяльны прадстаўнік генэральнага сакратара ААН Абдул Ілах Хатыб.
Сустрэча з Хатыбам адбылася ў панядзелак. Дэлегацыя ўраду паўстанцаў у Бэнгазі "з тэхнічных прычынаў" свой візыт адклала, паведаміў расейскі МЗС.
Крэмль выказаў гатовасьць пасярэднічаць ва ўрэгуляваньні ваеннага канфлікту ў Лібіі. У прыватнасьці Лаўроў заявіў, што Расея будзе настойваць "на неадкладным выкананьні галоўнага патрабаваньня Рады бясьпекі ААН аб тым, што лібійскія ўлады павінны пазьбягаць любых дзеяньняў, якія прыводзяць да ахвяраў сярод мірнага насельніцтва."
Напярэдадні Лаўроў паведаміў, што некалькі тыдняў таму аб прыёме ў Маскве да расейскіх уладаў зьвярнуліся прадстаўнікі абодвух бакоў канфлікту ў Лібіі, а таксама спэцыяльны прадстаўнік генэральнага сакратара ААН Абдул Ілах Хатыб.
Сустрэча з Хатыбам адбылася ў панядзелак. Дэлегацыя ўраду паўстанцаў у Бэнгазі "з тэхнічных прычынаў" свой візыт адклала, паведаміў расейскі МЗС.
Крэмль выказаў гатовасьць пасярэднічаць ва ўрэгуляваньні ваеннага канфлікту ў Лібіі. У прыватнасьці Лаўроў заявіў, што Расея будзе настойваць "на неадкладным выкананьні галоўнага патрабаваньня Рады бясьпекі ААН аб тым, што лібійскія ўлады павінны пазьбягаць любых дзеяньняў, якія прыводзяць да ахвяраў сярод мірнага насельніцтва."