У чацьвер у працэсе над Уладзімерам Някляевым і Віталем Рымашэўскім, а таксама Настай Палажанкай, Аляксандрам Фядутам, Андрэем Дзьмітрыевым і Сяргеем Вазьняком зноў чыталі раздрукоўкі тэлефонных размоваў.
Ранішняе паседжаньне пачалося з адхіленьня ўсіх трох заяўленых абаронай хадайніцтваў, у тым ліку заслухаць у якасьці сьведкі кіроўцу "Фальксвагена", што перавозіў гукаўзмацняльную апаратуру, і Аляксандра Мілінкевіча. Някляеў абурыўся. Рымашэўскаму судзьдзя зрабіла трэцяе папярэджаньне і прыгразіла выдаліць з працэсу да апошняга слова.
Пракурор чытаў ціха і невыразна, пачалі абурацца адвакаты. Атмасфэра была напружаная. А потым пракурор працягваў па ролях чытаць праслухоўваньні тэлефонных размоваў Фядуты, гутарку Мілінкевіча і Калякіна. На заўвагу адваката, што была агучаная размова з тэлефона, зарэгістраванага на Амбасаду Швэцыі, судзьдзя і пракурор не прарэагавалі.
Наста Палажанка, да пісьмовых матэрыялаў справы якой яшчэ не дайшла чарга, выказала такое меркаваньне:
Наста Палажанка"Я лічу, што гэта абсалютна ненармальна. Больш за тое, мяне зьдзіўляе пазыцыя суду, што яны лічаць датычным да матэрыялаў справы па 342-м артыкуле. Бо сапраўды, тое, што я бачыла ў крымінальнай справе, ва ўсіх гэтых тамах – большасьць размоваў я па сваёй асабістай прычыне не хацела чытаць. Мяне сапраўды не цікавіць іх асабістае жыцьцё, іх прыватныя размовы. І як мяне гэта абурала ў кабінэтах сьледчых, так мяне абурае і тое, што яны хочуць вынесьці ўсё гэта ў СМІ. Тое самае і праслухоўка перамоваў Калякіна і Мілінкевіча ў офісе "Руху "За Свабоду". Ну ў якой нармальнай краіне легальна будуць агучваць на судах у якасьці доказаў размовы людзей, экс-кандыдатаў у прэзыдэнты? Безумоўна, гэта абурае".
Была адна перамога ў абароны і абвінавачаных. Пракурор меў намер зачытаць раздрукоўку размовы Аляксандра Фядуты са сьледчым КДБ Русланам Івановым у ізалятары, якая мела прыватны характар, і сьледчы паабяцаў, што яна ня будзе выкарыстоўвацца ў матэрыялах справы.
Сяргей ВазьнякСяргей Вазьняк абурыўся і сказаў, што дэманстратыўна заткне вушы. Пратэст падзейнічаў. Пасьля абеду чарга дайшла і да тэлефонных размоваў Вазьняка. Сяргей потым пажартаваў, што ён як чалавек ваенны казаў коратка, ляканічна. Але агульная яго ацэнка такая:
"Я думаю, мы зараз зьяўляемся саўдзельнікамі злачынства, якое называецца "дыскрэдытацыя Рэспублікі Беларусь". Таму што калі за межамі нашай радзімы даведаюцца, што ўсе кандыдаты, усе іх давераныя асобы, лідэры палітычных партый і рухаў падчас выбарчай кампаніі з санкцыяў Генэральнай пракуратуры былі пастаўлены на праслухоўваньне тэлефонных размоваў – я ад гэтага ў шоку і жаху".
Пры канцы чарга дайшла да матэрыялаў справы Андрэя Дзьмітрыева, якому сёньня споўнілася 30 гадоў. Працяг працэсу ў пятніцу а 10-й гадзіне.
Ранішняе паседжаньне пачалося з адхіленьня ўсіх трох заяўленых абаронай хадайніцтваў, у тым ліку заслухаць у якасьці сьведкі кіроўцу "Фальксвагена", што перавозіў гукаўзмацняльную апаратуру, і Аляксандра Мілінкевіча. Някляеў абурыўся. Рымашэўскаму судзьдзя зрабіла трэцяе папярэджаньне і прыгразіла выдаліць з працэсу да апошняга слова.
Пракурор чытаў ціха і невыразна, пачалі абурацца адвакаты. Атмасфэра была напружаная. А потым пракурор працягваў па ролях чытаць праслухоўваньні тэлефонных размоваў Фядуты, гутарку Мілінкевіча і Калякіна. На заўвагу адваката, што была агучаная размова з тэлефона, зарэгістраванага на Амбасаду Швэцыі, судзьдзя і пракурор не прарэагавалі.
Наста Палажанка, да пісьмовых матэрыялаў справы якой яшчэ не дайшла чарга, выказала такое меркаваньне:
Была адна перамога ў абароны і абвінавачаных. Пракурор меў намер зачытаць раздрукоўку размовы Аляксандра Фядуты са сьледчым КДБ Русланам Івановым у ізалятары, якая мела прыватны характар, і сьледчы паабяцаў, што яна ня будзе выкарыстоўвацца ў матэрыялах справы.
"Я думаю, мы зараз зьяўляемся саўдзельнікамі злачынства, якое называецца "дыскрэдытацыя Рэспублікі Беларусь". Таму што калі за межамі нашай радзімы даведаюцца, што ўсе кандыдаты, усе іх давераныя асобы, лідэры палітычных партый і рухаў падчас выбарчай кампаніі з санкцыяў Генэральнай пракуратуры былі пастаўлены на праслухоўваньне тэлефонных размоваў – я ад гэтага ў шоку і жаху".
Пры канцы чарга дайшла да матэрыялаў справы Андрэя Дзьмітрыева, якому сёньня споўнілася 30 гадоў. Працяг працэсу ў пятніцу а 10-й гадзіне.
