Мубараку падоўжылі тэрмін арышту

Былому прэзыдэнту Эгіпту Хосьні Мубараку падоўжылі тэрмін знаходжаньня пад арыштам у каірскай турме на 15 сутак, заявілі прадстаўнікі экс-кіраўніка дзяржавы. Яго абвінавачваюць у жорсткім падаўленьні дэманстрацый, а таксама ў карупцыі. У прыватнасьці, пракуроры правяраюць сьцьвярджэньні аб тым, што былыя ўлады краіны прадавалі газ Ізраілю па заніжаных коштах.

Мубарак займаў пост прэзыдэнта краіны больш за 30 гадоў і быў скінуты ў пачатку 2011 года ў выніку масавых дэманстрацыяў.