Амэрыканскі салдат быў асуджаны да 24 гадоў турмы за тое, што ў змове са сваімі саслужыўцамі забіў трох няўзброеных афганскіх грамадзянаў. 22-х гадовы Джэрэмі Марлок зьяўляецца ключавой фігурай у сэрыі найбольш сур’ёзных крымінальных абвінавачваньняў на адрас замежных войскаў у Аўганістане. Марлок прызнаны галоўным вінаватым у забойстве трох мужчынаў у правінцыі Кандагар летась. Некаторым зь іх ужо пасьля забойства была падкінутая зброя, каб стварыць уражаньне магчымага супраціву.