Прэзыдэнт ЗША Барак Абама і прэм'ер-міністар Вялікай Брытаніі Дэвід Кэмэран правялі перамовы адносна сытуацыі ў Лібіі. Лідэры пагадзіліся, што Муамар Кадафі павінен як найхутчэй пакінуць сваю пасаду і ня выключылі ўсталяваньне над Лібіяй зоны, свабоднай ад палётаў. На мінулым тыдні дзяржсакратарка ЗША Гілары Клінтан падкрэсьліла, што пытаньне аб любым вайсковым умяшальніцтве ў лібійскія падзеі павінна вырашаць Рада Бясьпекі ААН.
Вашынгтон і Лёндан абмеркавалі Лібію
