Лінкі ўнівэрсальнага доступу

Паліцыя ў Іране разганяе мітынгі


Парлямэнтары крыкамі патрабуюць сьмяротнага пакараньня апазыцыйным лідэрам, якія заклікалі да антыўрадавых пратэстаў.(Тэгеран, 15 лютага 2011 г.)
Іранскія сілы бясьпекі ўжылі сьлезацечны газ для разгону дэманстрацыяў у Тэгеране сёньня. Сьведкі паведамляюць, што вуліцы Тэгерану запоўненыя пратэстоўцамі. Паліцыя спрабуе спыніць людзей, каб яны не прайшлі да цэнтарльных вуліц.

Паведамляецца пра сутыкненьні з паліцыяй, а таксама арышты дэманстрантаў.

Дэманстранты патрабуюць вызваленьня лідэраў апазыцыі Мір-Хусэйна Мусаві і Мэхдзі Карубі, месца знаходжаньня якіх невядомае. Апазыцыйныя сайты цьвердзяць, што яны ў турме ў ваколіцах Тэгерану. Улады Ірану заявілі, што Мусаві і Карубі не былі арыштаваныя.

Да 14 лютага Мусаві і Карубі ўтрымліваліся пад хатнім арыштам. Пасьля масавых антыўрадавых акцыяў пратэсту ў лютым парлямэнтары заклікалі да сьмяротнага пакараньня лідэраў апазыцыі.
XS
SM
MD
LG