Прадстаўніца фракцыі зялёных у нямецкім парлямэнце і каардынатар па пытаньнях палітыкі Ўсходняй Эўропы Марылюіза Бэк заявіла сёньня, што сваімі пастаўкамі зброі ў Лібію і Кот-д'Івуар дыктатар Лукашэнка дэманструе сваё сапраўднае аблічча і становіцца побач з усясьветна вядомымі злачынцамі-ізгоямі.
Ігнаруючы эмбарга ААН на пастаўкі зброі, беларускі кіраўнік ставіць сябе па-за міжнароднай супольнасьцю. Адначасна з катаваньнямі сваіх палітычных праціўнікаў у турме КДБ Лукашэнка дапамагае Кадафі і Гбагбо нішчыць іхнія народы. Лукашэнка заслугоўвае такога ж асуджэньня, як і тыя дэспаты, якіх ён падтрымлівае.
Міжнародная супольнасьць дагэтуль недаацэньвала менскага дыктатара як пагрозу міжнароднай бясьпецы, хоць і раней існавалі здагадкі, што Лукашэнка вядзе нядобрасумленныя пастаўкі зброі ў крызісныя рэгіёны, дзе на гэта накладзенае эмбарга. Такія дзеяньні не павінны заставацца без наступстваў. Міжнародная супольнасьць павінна нарэшце пачаць пільна сачыць за беларускім экспартам зброі, падкрэсьліла Марылюіза Бэк.
Ігнаруючы эмбарга ААН на пастаўкі зброі, беларускі кіраўнік ставіць сябе па-за міжнароднай супольнасьцю. Адначасна з катаваньнямі сваіх палітычных праціўнікаў у турме КДБ Лукашэнка дапамагае Кадафі і Гбагбо нішчыць іхнія народы. Лукашэнка заслугоўвае такога ж асуджэньня, як і тыя дэспаты, якіх ён падтрымлівае.
Міжнародная супольнасьць дагэтуль недаацэньвала менскага дыктатара як пагрозу міжнароднай бясьпецы, хоць і раней існавалі здагадкі, што Лукашэнка вядзе нядобрасумленныя пастаўкі зброі ў крызісныя рэгіёны, дзе на гэта накладзенае эмбарга. Такія дзеяньні не павінны заставацца без наступстваў. Міжнародная супольнасьць павінна нарэшце пачаць пільна сачыць за беларускім экспартам зброі, падкрэсьліла Марылюіза Бэк.
