Лінкі ўнівэрсальнага доступу

Ізраільскія і мальтыйскія СМІ – пра палёт самалёта Кадафі ў Менск


Самалёт Dassault Falcon 5A-DCN
Самалёт Dassault Falcon 5A-DCN
Ізраільская газэта Haaretz у сваім іўрытамоўным выданьні паведамляе пра палёт самалёта зь Лібіі ў Беларусь.

Паводле выданьня, адзін з самалётаў, які належыць Муамару Кадафі, у мінулую сераду выляцеў зь Лібіі, прызямліўся ў Менску, а потым вярнуўся ў Трыпалі. Міністар транспарту Лібану паведаміў, што самалёт прасіў пасадку ў Бэйруце, але яму было адмоўлена, паколькі экіпаж адмовіўся паведаміць, хто знаходзіўся на борце.

Малтыйскі інтэрнэт-партал MaltaToday таксама паведамляе, што самалёт Dassault Falcon 5A-DCN, які належыць Кадафі, зрабіў рэйс у Менск.

Перамяшчэньне самалёта адсочвалі так званыя плэйнспотэры, добраахвотныя «шпіёны» за палётамі авіяляйнэраў. Па дадзеных назіральнікаў, борт вылецеў з Трыпалі ў пятніцу і вярнуўся ў нядзелю ў 12:30, вылецеўшы з Менска ў 9:30 (CET).

Плэйнспотэры зафіксавалі перамовы пілётаў самалёта Кадафі з мальтыйскімі і вугорскімі авіядыспэтчарамі.

Невядома, ці ідзе размова пра адзін і той жа самалёт, таксама невядома, хто знаходзіўся на борце.

Паводле Haaretz у Менск магла накіравацца сямья Кадафі. Іншыя крыніцы кажуць, што ў Беларусь прылятаў прадстаўнік лібійскага кіраўніка, а таксама што ў Менск даставілі груз золата.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG