Лінкі ўнівэрсальнага доступу

Дэпутаты хочуць праверыць "карту паляка"


Праверыць "карту паляка" на адпаведнасьць агульнапрызнаным прынцыпам і нормам міжнароднага права прапанавалі сёньня дэпутаты сталай камісіі Палаты прадстаўнікоў па міжнародных справах і сувязях з СНД.

Такое рашэньне яны прынялі на паседжаньні сваёй камісіі. Яны мяркуюць зьвярнуцца ў Канстытуцыйны суд Беларусі для таго, каб вызначыць адпаведнасьць польскага закону "Пра карту паляка" агульнапрызнаным прынцыпам і нормам міжнароднага права.

Сябра гэтай камісіі Валянціна Лявоненка ў размове са "Свабодай" пацьвердзіла гэтую інфармацыю. Аднак камэнтаваць яе дэпутатка адмовілася:

"Заўтра пройдзе паседжаньне пазачарговай сэсіі Палаты, і там вы пачуеце падрабязнасьці гэтага пытаньня", — сказала яна.

А 16-й гадзіне 23 лютага пачнецца пленарнае паседжаньне Палаты. Першапачаткова на ім зьбіраліся толькі зацьвердзіць праграму ўраду Міхаіла Мясьніковіча на 2011—2015 гады.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG