21 лютага пачынаецца афіцыйны трохдзённы візыт у Беларусь кубінскай дэлегацыі на чале з міністрам замежных спраў Бруна Радрыгесам Парыльям. У амбасадзе Кубы ў Менску паведамляюць, што бакі "абмяркуюць шырокі спэктар беларуска-кубінскіх дачыненьняў".
Бруна Радрыгес Парылья будзе сустракацца з кіраўніком беларускай дзяржавы. Пра гэта паведаміў прэсавы сакратар Міністэрства замежных спраў Беларусі Андрэй Савіных:
"Плянуецца, што падчас візыту міністра прыме прэзыдэнт Беларусі. На сустрэчы са старшынём Палаты прадстаўнікоў бакі абмяняюцца думкамі аб стане і перспэктывах беларуска-кубінскага міжпарлямэнцкага супрацоўніцтва. У МЗС кіраўнікі зьнешнепалітычных ведамстваў дзьвюх краін правядуць рознаплянавыя кансультацыі па ўсяму спэктару пытаньняў палітычнага і гандлёва-эканамічнага ўзаемадзеяньня".
Менскі палітоляг Андрэй Фёдараў так тлумачыць асаблівую ўвагу ўладаў да гэтага візыту:
"Не так часта да нас усё ж ездзяць міністры замежных спраў. І таму гэта падзея, калі не надзвычайная, то ўсё ж не ардынарная. І гэта выкарыстоўваецца як сьведчаньне быццам бы адсутнасьці ізаляцыі.
Куба – гэта наш ідэйны партнэр. Што тычыцца маральнай падтрымкі
Цяпер ужо ня варта чакаць, што да нас прыедуць Сікорскі ці Вэстэрвэле.
Асабліва многа агульнага паміж Беларусьсю і Кубай у галіне свабодаў і правоў чалавека, адзначае праваабаронца Валянцін Стэфановіч:
"Пасыл уладаў, што тут, што там – адзіны: не дапусьціць дзейнасьці альтэрнатыўных палітычных сілаў і праваабарончых арганізацый. Толькі ў Беларусі гэта такі эўрапейскі аўтарытарызм. А Куба перажывае (ці дажывае) аўтарытарныя ўстаноўкі ў грамадзтве. Там аднапартыйная сыстэма. А выбараў і народаўладзьдзя ў нармальным сэнсе гэтых словаў там няма. Таму нездарма Кубу крытыкуюць у тым ліку і праваабарончыя арганізацыі за шматлікія парушэньні правоў чалавека".