Справа Атрошчанкава перададзеная ў суд

Дата яе разгляду пакуль невядомая. Невядома і тое, ці будзе працэс адкрытым.

Весьці працэс Аляксандра Атрошчанкава будзе судзьдзя Тацяна Чаркова. Пра гэта паведаміла жонка Атрошчанкава Дар’я Корсак.

Аляксандар Атрошчанкаў — прэсавы сакратар кандыдата на прэзыдэнта Андрэя Саньнікава. Яго арыштавалі ў ноч з 19 на 20 сьнежня.

Міжнародная праваабарончая арганізацыя Amnesty International прызнала Атрошчанкава вязьнем сумленьня, піша БелаПАН.