Сёньня ў Брусэлі Рада Эўрапейскага Зьвязу будзе разглядаць пытаньне аб санкцыях супраць афіцыйнага Менску за разгортваньне ў краіне хвалі масавых рэпрэсіяў.
Эўрапейскія дыпляматы на мінулым тыдні ўзгаднілі сьпіс больш як 150 прадстаўнікоў беларускага рэжыму, якім будзе забаронены ўезд на тэрыторыю краін Зьвязу. Гэты сьпіс сёньня маюць зацьвердзіць міністры замежных спраў 27 краін Эўразьвязу. Таксама яны маюць ухваліць іншыя захады супраць беларускіх уладаў і ў падтрымку грамадзянскай супольнасьці Беларусі.
Напярэдадні паседжаньня Рады Эўразьвязу мы пагутарылі пра эўрапейскія санкцыі з дэпутатам Сойму Літвы Эгідыюсам Варэйкісам.
На мінулай сэсіі Парлямэнцкай асамблеі Рады Эўропы Варэйкіс выступаў з вострай крытыкай беларускага рэжыму.
“У тым, што адбылося пасьля выбараў, вінаваты дыктатар, супраць якога і пратэставалі людзі… За сьпінай у Лукашэнкі стаіць Расея: калі б не яе падтрымка, не было б Лукашэнкі”, – заявіў у мінулы чацьвер Эгідыюс Варэйкіс. Тады ж ён заклікаў усе краіны-сябры Рады Эўропы ўвесьці "візавыя абмежаваньні супраць беларускай дыктатуры". Што да Эўразьвязу, то ён, відаць, абмяжуецца візавымі санкцыямі супраць афіцыйнага Менску, мяркуе літоўскі дэпутат:
"Думаю, што цяпер Эўразьвяз марудзіць… Я ў чацьвер прапанаваў, каб Рада Эўропы ўхваліла такія самыя візавыя санкцыі, хоць наўрад ці гэта будзе. Можна было б ухваліць некаторыя санкцыі: і па тэхналёгіях, і па іншым. Ня ведаю, ці вялікі бізнэс у Эўропы зь Беларусьсю – можна і не дапусьціць некаторых экспартных тавараў. Быў час, калі прэзыдэнт ЗША Рэйган санкцыямі здолеў дамагчыся свайго, цяпер жа Эўропа ня можа”.
У пару Рэйгана было нават выказваньне, што гандаль з дыктатарам – справа не джэнтэльмэнская, цяпер жа эўрапейскія бізнэсоўцы на гэта не зьвяртаюць увагі, кажа дэпутат Варэйкіс.
Эканамічныя санкцыі Эўразьвязу супраць Беларусі стрымлівае боязь таго, што ад іх пацярпіць народ, а прадстаўнікоў рэжыму яны не зачэпяць, кажа спадар Варэйкіс. Таксама існуе небясьпека, што Беларусь пад ціскам Захаду будзе інтэгравацца з Расеяй:
"Ёсьць такі міт, у які я не зусім веру, што калі мы ўжывем санкцыі ў адносінах да Беларусі, то яна пойдзе ў Расею. Яна і так у Расеі, ня ведаю, куды далей можна ісьці. Пакуль за сьпінаю ў Лукашэнкі стаіць Расея, так званая саюзная дзяржава, зрабіць нешта складана. Нам трэба прыдумаць такія санкцыі, ад якіх Расея б не дапамагла. З другога боку, у Расеі свае праблемы, і неабавязкова яна так хутка будзе сьпяшацца дапамагаць".
Стаўленьне Літвы да санкцыяў адносна беларускіх уладаў спадар Варэйкіс назваў неадназначным: ёсьць розныя палітыкі, розныя думкі:
"Але стратэгічна мы кажам так: мы за добрыя адносіны з грамадзянскай супольнасьцю, народам, але не з рэжымам".
Ганаровы старшыня АГП Станіслаў Багданкевіч візавыя санкцыі Эўразьвязу лічыць важным актам у кампаніі ціску на беларускія ўлады для вызваленьня нявінна арыштаваных людзей. Але, як ён мяркуе, да больш важкіх эканамічных санкцыяў аб’яднаная Эўропа не гатовая. Сам спадар Багданкевіч лічыць эканамічныя санкцыі Эўропы і ЗША супраць афіцыйнага Менску патрэбнымі:
"Ва ўмовах, калі рэжым душыць свой народ, я лічу любыя санкцыі карыснымі і мэтазгоднымі".
Эўрапейскія дыпляматы на мінулым тыдні ўзгаднілі сьпіс больш як 150 прадстаўнікоў беларускага рэжыму, якім будзе забаронены ўезд на тэрыторыю краін Зьвязу. Гэты сьпіс сёньня маюць зацьвердзіць міністры замежных спраў 27 краін Эўразьвязу. Таксама яны маюць ухваліць іншыя захады супраць беларускіх уладаў і ў падтрымку грамадзянскай супольнасьці Беларусі.
Напярэдадні паседжаньня Рады Эўразьвязу мы пагутарылі пра эўрапейскія санкцыі з дэпутатам Сойму Літвы Эгідыюсам Варэйкісам.
На мінулай сэсіі Парлямэнцкай асамблеі Рады Эўропы Варэйкіс выступаў з вострай крытыкай беларускага рэжыму.
“У тым, што адбылося пасьля выбараў, вінаваты дыктатар, супраць якога і пратэставалі людзі… За сьпінай у Лукашэнкі стаіць Расея: калі б не яе падтрымка, не было б Лукашэнкі”, – заявіў у мінулы чацьвер Эгідыюс Варэйкіс. Тады ж ён заклікаў усе краіны-сябры Рады Эўропы ўвесьці "візавыя абмежаваньні супраць беларускай дыктатуры". Што да Эўразьвязу, то ён, відаць, абмяжуецца візавымі санкцыямі супраць афіцыйнага Менску, мяркуе літоўскі дэпутат:
Быў час, калі прэзыдэнт ЗША Рэйган санкцыямі здолеў дамагчыся свайго, цяпер жа Эўропа ня можа...
"Думаю, што цяпер Эўразьвяз марудзіць… Я ў чацьвер прапанаваў, каб Рада Эўропы ўхваліла такія самыя візавыя санкцыі, хоць наўрад ці гэта будзе. Можна было б ухваліць некаторыя санкцыі: і па тэхналёгіях, і па іншым. Ня ведаю, ці вялікі бізнэс у Эўропы зь Беларусьсю – можна і не дапусьціць некаторых экспартных тавараў. Быў час, калі прэзыдэнт ЗША Рэйган санкцыямі здолеў дамагчыся свайго, цяпер жа Эўропа ня можа”.
У пару Рэйгана было нават выказваньне, што гандаль з дыктатарам – справа не джэнтэльмэнская, цяпер жа эўрапейскія бізнэсоўцы на гэта не зьвяртаюць увагі, кажа дэпутат Варэйкіс.
Эканамічныя санкцыі Эўразьвязу супраць Беларусі стрымлівае боязь таго, што ад іх пацярпіць народ, а прадстаўнікоў рэжыму яны не зачэпяць, кажа спадар Варэйкіс. Таксама існуе небясьпека, што Беларусь пад ціскам Захаду будзе інтэгравацца з Расеяй:
"Ёсьць такі міт, у які я не зусім веру, што калі мы ўжывем санкцыі ў адносінах да Беларусі, то яна пойдзе ў Расею. Яна і так у Расеі, ня ведаю, куды далей можна ісьці. Пакуль за сьпінаю ў Лукашэнкі стаіць Расея, так званая саюзная дзяржава, зрабіць нешта складана. Нам трэба прыдумаць такія санкцыі, ад якіх Расея б не дапамагла. З другога боку, у Расеі свае праблемы, і неабавязкова яна так хутка будзе сьпяшацца дапамагаць".
Стаўленьне Літвы да санкцыяў адносна беларускіх уладаў спадар Варэйкіс назваў неадназначным: ёсьць розныя палітыкі, розныя думкі:
"Але стратэгічна мы кажам так: мы за добрыя адносіны з грамадзянскай супольнасьцю, народам, але не з рэжымам".
Ганаровы старшыня АГП Станіслаў Багданкевіч візавыя санкцыі Эўразьвязу лічыць важным актам у кампаніі ціску на беларускія ўлады для вызваленьня нявінна арыштаваных людзей. Але, як ён мяркуе, да больш важкіх эканамічных санкцыяў аб’яднаная Эўропа не гатовая. Сам спадар Багданкевіч лічыць эканамічныя санкцыі Эўропы і ЗША супраць афіцыйнага Менску патрэбнымі:
"Ва ўмовах, калі рэжым душыць свой народ, я лічу любыя санкцыі карыснымі і мэтазгоднымі".
