Лінкі ўнівэрсальнага доступу

Лукашэнку запрасілі ў Курапаты


Акцыя ўшанаваньня памяці ахвяраў палітычных рэпрэсіяў адбылася ў Курапатах.

15 чалавек зь ліку актывістаў «Маладога фронту», руху салідарнасьці «Разам», «Эўрапейскай моладзі» ўсклалі кветкі, запалілі зьнічы і памянулі хвілінай маўчаньня ахвяраў палітычных рэпрэсіяў розных гадоў.

Удзельнікі акцыі трымалі ў руках партрэты вязьняў турмы КДБ, якіх утрымліваюць за кратамі ў справе аб падзеях 19 сьнежня.

У сваёй прамове грамадзкая актывістка Ганна Шапуцька запатрабавала выпусьціць палітзьняволеных. Яна таксама запрасіла Аляксандра Лукашэнку наведаць Курапаты, «каб болей не было палітзьвяноленых і не было новых Курапатаў».

Адзін з кіраўнікоў МФ Мікола Дземідзенка выказаў спадзеў, што ўлады адпусьцяць усіх палітзьняволеных.

Пры канцы ўдзельнікі прасьпявалі гімн «Магутны Божа».
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG