У артыкуле 106 Канстытуцыі запісана: "Прэм'ер-міністар прызначаецца Прэзыдэнтам Рэспублікі Беларусь са згоды Палаты прадстаўнікоў". Далей у гэтым жа артыкуле гаворыцца, што калі палата двойчы адмовіцца падтрымаць кандыдатуру кіраўніка ўраду, то прэзыдэнт мае права распусьціць палату і прызначыць новыя выбары.
Зразумела, што пры цяперашнім складзе Палаты прадстаўнікоў такі сцэнар фактычна немагчымы. Дый некаторыя дэпутаты, зь якімі мне давялося паразмаўляць, кажуць, што ў Міхаіла Мясьніковіча ёсьць шмат прывабных рысаў. Напрыклад, старшыня камісіі па грашова-крэдытнай палітыцы і банкаўскай дзейнасьці Яўген Арцюшэнка адзначае:
"Па-першае, гэта стары вытворчы дзеяч. Ён выйшаў з той сыстэмы, якая мела дастасаваньне да рэальнага жыцьця. Гэта міністар з савецкага рэзэрву. Яшчэ з тых часоў, калі была дастаткова сур'ёзна пастаўленая праца з кадрамі. Менавіта з пункту гледжаньня адбору кадраў.
З другога боку, Мясьніковіч апошнім часам досыць актыўна рухаў рэчы, зьвязаныя з інавацыйным разьвіцьцём краіны. У яго моцная аналітыка з разуменьнем таго, што ў Беларусі абмежаваныя рэсурсы. І толькі праз інавацыйную дзейнасьць мы можам выйсьці наперад".
А вось у эканаміста Мечыслава Бурака іншае ўяўленьне пра новага прэм'ера. Ён мяркуе, што Мясьніковіч сваімі поглядамі застаўся ў мінулым:
"Я яго сёньняшніх поглядаў на жыцьцё ня ведаю. Хай ён публічна прадставіць новае бачаньне жыцьця, што мы будзем рабіць далей. Баюся, што ён зноў будзе гаварыць: будзем уздымаць МАЗ, трактарны...".
Міхаіл Мясьніковіч — ужо шосты кіраўнік ураду пры Аляксандру Лукашэнку. А першым прэм'ерам яшчэ ў 1994 годзе быў Міхаіл Чыгір. Пра Міхаіла Мясьніковіча ён кажа так:
"Хацелася б пажадаць яму байцоўскіх якасьцяў у барацьбе з Адміністрацыяй прэзыдэнта. Таму што апошнім часам урадавыя функцыі шмат у чым перайшлі туды. І таму трэба жорстка настойваць на тым, што ўрад павінен быць самастойны, каб самастойна прымаў рашэньні і самастойна праводзіў іх у жыцьцё.
Мясьніковіч даўно працуе ва ўладных структурах Беларусі. Добра ведае ўсё тайныя і яўныя хады".
Папярэднікамі Міхаіла Мясьніковіча ва ўрадах Лукашэнкі былі таксама Сяргей Лінг, Уладзімер Ярмошын, Генадзь Навіцкі і Сяргей Сідорскі.
Сёньня ж дэпутаты зьбіраюцца абраць новага кіраўніка міжнароднай камісіі. Сяргей Маскевіч, які раней займаў гэтую пасаду, цяпер, як вядома, працуе міністрам адукацыі.
Зразумела, што пры цяперашнім складзе Палаты прадстаўнікоў такі сцэнар фактычна немагчымы. Дый некаторыя дэпутаты, зь якімі мне давялося паразмаўляць, кажуць, што ў Міхаіла Мясьніковіча ёсьць шмат прывабных рысаў. Напрыклад, старшыня камісіі па грашова-крэдытнай палітыцы і банкаўскай дзейнасьці Яўген Арцюшэнка адзначае:
"Па-першае, гэта стары вытворчы дзеяч. Ён выйшаў з той сыстэмы, якая мела дастасаваньне да рэальнага жыцьця. Гэта міністар з савецкага рэзэрву. Яшчэ з тых часоў, калі была дастаткова сур'ёзна пастаўленая праца з кадрамі. Менавіта з пункту гледжаньня адбору кадраў.
З другога боку, Мясьніковіч апошнім часам досыць актыўна рухаў рэчы, зьвязаныя з інавацыйным разьвіцьцём краіны. У яго моцная аналітыка з разуменьнем таго, што ў Беларусі абмежаваныя рэсурсы. І толькі праз інавацыйную дзейнасьць мы можам выйсьці наперад".
А вось у эканаміста Мечыслава Бурака іншае ўяўленьне пра новага прэм'ера. Ён мяркуе, што Мясьніковіч сваімі поглядамі застаўся ў мінулым:
"Я яго сёньняшніх поглядаў на жыцьцё ня ведаю. Хай ён публічна прадставіць новае бачаньне жыцьця, што мы будзем рабіць далей. Баюся, што ён зноў будзе гаварыць: будзем уздымаць МАЗ, трактарны...".
Міхаіл Мясьніковіч — ужо шосты кіраўнік ураду пры Аляксандру Лукашэнку. А першым прэм'ерам яшчэ ў 1994 годзе быў Міхаіл Чыгір. Пра Міхаіла Мясьніковіча ён кажа так:
"Хацелася б пажадаць яму байцоўскіх якасьцяў у барацьбе з Адміністрацыяй прэзыдэнта. Таму што апошнім часам урадавыя функцыі шмат у чым перайшлі туды. І таму трэба жорстка настойваць на тым, што ўрад павінен быць самастойны, каб самастойна прымаў рашэньні і самастойна праводзіў іх у жыцьцё.
Мясьніковіч даўно працуе ва ўладных структурах Беларусі. Добра ведае ўсё тайныя і яўныя хады".
Папярэднікамі Міхаіла Мясьніковіча ва ўрадах Лукашэнкі былі таксама Сяргей Лінг, Уладзімер Ярмошын, Генадзь Навіцкі і Сяргей Сідорскі.
Сёньня ж дэпутаты зьбіраюцца абраць новага кіраўніка міжнароднай камісіі. Сяргей Маскевіч, які раней займаў гэтую пасаду, цяпер, як вядома, працуе міністрам адукацыі.
