Вярхоўны суд Беларусі адмовіўся разглядаць скаргу праваабарончай арганізацыі “Беларускі Хэльсынскі камітэт”. Скарга тычылася непрызнаньня вынікаў прэзыдэнцкіх выбараў.
“Вярхоўны суд адмовіўся заводзіць справу па скарзе БХК аб непрызнаньні прэзыдэнцкіх выбараў”, — паведаміла “Інтэрфаксу” прэсавая сакратарка ВС Настасься Цімановіч.
“Дадзенае вызначэньне суду абскарджаньню і апратэставаньню ў касацыйным парадку не падлягае”, — дадала яна.
Скарга ў Вярхоўны суд была накіраваная 10 студзеня.
“Па выніках назіраньня за выбарамі БХК прыйшоў да высновы, што ў часе рыхтаваньня і правядзеньня выбараў прэзыдэнта Беларусі дапускаліся грубыя адступленьні ад дэмакратычных прынцыпаў і стандартаў… Падлік галасоў (…) суправаджаўся паўсюднымі парушэньнямі вызначанага законам парадку, у сувязі з чым выбары павінны быць прызнаныя несапраўднымі, паколькі выяўленыя парушэньні паўплывалі на вынікі выбараў. Усё гэта прывяло да скажэньня вынікаў выбараў, абвешчаных ЦВК”, — гаворыцца ў скарзе.
11 студзеня Вярхоўны суд не задаволіў звароту былога кандыдата ў прэзыдэнты Рыгора Кастусёва, які прасіў перагледзець рашэньне Цэнтральнай выбарчай камісіі аб прызнаньні прэзыдэнцкіх выбараў. У адказе Вярхоўнага суду Кастусёву напісана, што падставаў заводзіць справу супраць ЦВК няма.
“Вярхоўны суд адмовіўся заводзіць справу па скарзе БХК аб непрызнаньні прэзыдэнцкіх выбараў”, — паведаміла “Інтэрфаксу” прэсавая сакратарка ВС Настасься Цімановіч.
“Дадзенае вызначэньне суду абскарджаньню і апратэставаньню ў касацыйным парадку не падлягае”, — дадала яна.
Скарга ў Вярхоўны суд была накіраваная 10 студзеня.
“Па выніках назіраньня за выбарамі БХК прыйшоў да высновы, што ў часе рыхтаваньня і правядзеньня выбараў прэзыдэнта Беларусі дапускаліся грубыя адступленьні ад дэмакратычных прынцыпаў і стандартаў… Падлік галасоў (…) суправаджаўся паўсюднымі парушэньнямі вызначанага законам парадку, у сувязі з чым выбары павінны быць прызнаныя несапраўднымі, паколькі выяўленыя парушэньні паўплывалі на вынікі выбараў. Усё гэта прывяло да скажэньня вынікаў выбараў, абвешчаных ЦВК”, — гаворыцца ў скарзе.
11 студзеня Вярхоўны суд не задаволіў звароту былога кандыдата ў прэзыдэнты Рыгора Кастусёва, які прасіў перагледзець рашэньне Цэнтральнай выбарчай камісіі аб прызнаньні прэзыдэнцкіх выбараў. У адказе Вярхоўнага суду Кастусёву напісана, што падставаў заводзіць справу супраць ЦВК няма.