Лінкі ўнівэрсальнага доступу

Ператрус у даверанай асобы Саньнікава ў Наваполацку


Віктара Калесьніка супрацоўнікі КДБ засьпелі дома ў яго знаёмай — менавіта гэты адрас чамусьці быў пазначаны ў пастанове на ператрус, хаця сам актывіст жыве ў Полацку.

Пасьля ператрусу, які працягваўся больш за дзьве гадзіны, з кватэры забралі два ноўтбукі і некалькі дыскаў. Віктар Калесьнік настойваў, што толькі адзін ноўтбук ягоны, і прасіў пакінуць маёмасьць сяброўкі, але супрацоўнікі КДБ ўзялі абодва.

Спадару Калесьніку, які быў даверанай асобай Андрэя Саньнікава, уручылі позву. 14 студзеня а 15-й гадзіне ён мусіць зьявіцца па адрасе вуліца Дзяржынскага, дом 2 — менавіта там у Наваполацку месьціцца аддзел КДБ.

Актывісту сказалі, што размова пойдзе пра падзеі 19 сьнежня. Віктар Калесьнік не хавае таго, што быў на акцыі ў Менску, але ён пэўны, што ў гэтым няма нічога супрацьзаконнага — бо ніякіх злачынных дзеяньняў ён не рабіў.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG