Лінкі ўнівэрсальнага доступу

Пісьменьнікі баяцца за жыцьцё Някляева


Уладзімер Някляеў
Беларускія літаратары зьвярнуліся да Генэральнага пракурора Беларусі Рыгора Васілевіча з патрабаваньнем выратаваць жыцьцё паэта Ўладзімера Някляева.

"Мы даведаліся, што жыцьцё выдатнага беларускага паэта, кандыдата ў прэзыдэнты Беларусі Ўладзімера Някляева знаходзіцца ў страшнай небясьпецы. Гіпэртанічны крыз, які ён перанёс 29 сьнежня 2010 году, пагражаў сьмерцю.

Уладзімеру Някляеву неабходная тэрміновая шпіталізацыя і мэдыцынскае абсьледаваньне. Ён павінен знаходзіцца пад пільным кантролем дактароў і атрымліваць усе рэкамэндаваныя яму мэдыкамэнты.

Патрабуем неадкладных дзеяньняў для выратаваньня жыцьця Ўладзімера Някляева — найперш пераводу яго са сьледчага ізалятара КДБ у шпіталь.

Безь неадкладнай мэдыцынскай дапамогі Ўладзімер Някляеў можа памерці ў любую хвіліну!"

Подпісы пад гэта адозвай паставілі Сьвятлана Алексіевіч, Васіль Зуёнак, Алесь Разанаў, Валянцін Акудовіч, Алесь Анціпенка, Натальля Бабіна, Уладзімер Арлоў.

Глядзець камэнтары (2)

Гэтая дыскусія закрытая.
XS
SM
MD
LG