Пуцін павіншаваў Мясьніковіча

Прэм'ер-міністар Расеі Ўладзімер Пуцін накіраваў віншаваньне Міхаілу Мясьніковічу ў сувязі з яго прызначэньнем на пасаду прэм'ер-міністра Беларусі.


Пра гэта паведамляе прэсавая служба ўрада Расеі.

"Выказваю ўпэўненасьць, што ўзначалены вамі ўрад працягне курс на ўсебаковае пашырэньне ўзаемавыгаднага супрацоўніцтва. І тут Вы ў поўнай меры можаце разьлічваць на сустрэчныя крокі расейскага боку. Мы зацікаўлены ў шчыльнай сумеснай працы з новым беларускім урадам",-- гаворыцца ў віншавальнай тэлеграме.