Дзяржаўная Дума Расеі на зачыненым паседжаньні разглядае ў першым чытаньні праект аб ратыфікацыі дамовы з ЗША ў справе скарачэньня стратэгічных наступальных узбраеньняў (СНВ).
Міністар замежных спраў РФ Сяргей Лаўроў заклікаў дэпутатаў ратыфікаваць дамову з улікам канкрэтных інтарэсаў Расеі.
Кіраўнік расейскага зьнешнепалітычнага ведамства таксама паведаміў, што МЗС РФ атрымаў тэкст ратыфікацыйнай рэзалюцыі сэнату ЗША да дамовы аб СНВ, і ўвечары ён будзе перададзены расейскім дэпутатам.
Дэпутаты ад КПРФ і ЛДПР заявілі, што прагаласуюць супраць ратыфікацыі.