Лінкі ўнівэрсальнага доступу

Гіда Вэстэрвэле пра падзеі ў Менску: "Гэта непрымальна"


Гіда Вэстэрвэле
Камэнтуючы сёньня падзеі ў Менску, кіраўнік нямецкага МЗС Гіда Вэстэрвэле адзначыў:

"Гэта непрымальна, калі кандыдатаў ад апазыцыі і іхніх прыхільнікаў, якія хочуць выкарыстаць сваё права на свабоду выказваньня думак, перасьледуюць, зьбіваюць, арыштоўваць".

"Я вельмі занепакоены паведамленьнямі, якія прыйшлі зь Менску ў мінулую ноч", адзначыў Вэстэрвэле ў сваёй заяве. Кіраўнік нямецкага МЗС заявіў, што ў ЭЗ будуць вельмі ўважліва разглядаць даклад АБСЭ пра выбары ў Беларусі.

Сёлета ў лістападзе падчас візыту ў Менск нямецкі міністар і яго польскі калега Радаслаў Сікорскі зрабілі беспрэцэдэнтны сумесны зварот да беларускіх уладаў адносна забесьпячэньня ў Беларусі свабодных і справядлівых прэзыдэнцкіх выбараў.

Тым часам нямецкае выданьне Spiegel Online, якое цытуе выказваньне Вэстэрвэле, адзначае, што папярэднія заклікі Захаду да Менску відавочна дапамаглі няшмат.

Ваша меркаваньне

Паказаць камэнтары

XS
SM
MD
LG