Польшча не прымае справаздачы МАК аб аварыі прэзыдэнцкага самалёта

Справаздача Міжнароднага авіяцыйнага камітэту (МАК) пра катастрофу пад Смаленскам самалёта прэзыдэнта Польшчы Леха Качынскага ня можа быць прынятая ў тым выглядзе, у якім яна была перададзеная расейскім бокам. Такую заяву зрабіў польскі прэм'ер-міністар Дональд Туск на саміце Эўразьвязу ў Брусэлі.

Цяпер у МАК ёсьць прыкладна месяц, каб падрыхтаваць канчатковую вэрсію справаздачы, якая і будзе апублікаваная. Першапачатковая вэрсія дакумэнту не друкавалася. Афіцыйна зьмест польскіх камэнтароў застаецца сакрэтным.