Рым: 100 параненых у забурэньнях

У Рыме ў ходзе сутыкненьняў пратэстоўцаў з паліцыяй каля ста чалавек, з абодвух бакоў, атрымалі раненьні.

Некаторыя дэманстранты білі шыбы і падпальвалі машыны. Затрымана каля 40 чалавек.

Забурэньні здарыліся пасьля таго, як італьянскі парлямэнт выказаў давер ураду прэм'ер-міністра краіны Сільвіё Бэрлюсконі.

Апошнім часам папулярнасьць прэм'ера істотна зьменшылася ў сувязі з шэрагам палітычных і асабістых скандалаў.