Сёньня агенцтва БЕЛТА апублікавала фрагмэнты інтэрвію, якое Аляксандар Лукашэнка даў францускай газэце Le Figaro, дзе сярод іншага ён заявіў, што мае зьвесткі аб расейскім фінансаваньні кандыдатаў у прэзыдэнты Ўладзімера Някляева і Андрэя Саньнікава.
Нашы карэспандэнты паспрабавалі зьвязацца з абодвума кандыдатамі, якія сёньня сустракаліся з выбарцамі ў розных рэгіёнах Беларусі.
Уладзімера Някляева ўдалося засьпець, калі ён вяртаўся з Магілёва:
“Не зьбіраюся ні ў грудзі сябе біць, ні стаяць на плошчы і крычаць, што я - не расейскі агент. Нічога гэтага я не зьбіраюся рабіць. Хай сабе ён кажа, што хоча. Што мы - ня звыклі да таго, што кажа Лукашэнка? Тое, што ён сказаў - пра гэта кажуць з пачатку дзейнасьці кампаніі “Гавары праўду”.
Ну, адзінае, што зараз сказаў Лукашэнка наўпрост - раней ён на гэта рабіў намёкі, не называючы майго прозьвішча, а тут - назваў маё, а яшчэ і Саньнікава... Думаю, ён аб'яднаў нас таму што мы самі аб'ядналіся і зрабілі пра гэта заяву. Дык гэта - “іх адказ Чэмбэрлену”.
А разьлічаная гэтая заява на ўзмацненьне антырасейскай рыторыкі, якая, па спадзяваньнях Лукашэнкі, дапаможа яму падмануць Эўропу.
Дарэчы, я сустракаўся толькі што з магілёўскімі выбарцамі, еду цяпер назад. Тут жа землякі Лукашэнкі, ягоны электарат, аднак ніхто мне сёньня гэтага пытаньня пра расейскія грошы не задаў, ніхто такіх фактаў не прывёў. Відаць, толькі ў аднаго магілёўскага чалавека ёсьць такі факт”.
Андрэй Саньнікаў сёньня сустракаўся з выбарцамі на Салігоршчыне і яго мабільная сувязь была адключаная. Як заявілі прадстаўнікі выбарчага штабу Саньнікава, яны толькі чулі пра гэту інфармацыю, аднак дакладна ня ведаюць яе зьместу, таму пракамэнтуюць словы Лукашэнкі толькі калі пазнаёмяцца з тэкстам.
Нашы карэспандэнты паспрабавалі зьвязацца з абодвума кандыдатамі, якія сёньня сустракаліся з выбарцамі ў розных рэгіёнах Беларусі.
Уладзімера Някляева ўдалося засьпець, калі ён вяртаўся з Магілёва:
“Не зьбіраюся ні ў грудзі сябе біць, ні стаяць на плошчы і крычаць, што я - не расейскі агент. Нічога гэтага я не зьбіраюся рабіць. Хай сабе ён кажа, што хоча. Што мы - ня звыклі да таго, што кажа Лукашэнка? Тое, што ён сказаў - пра гэта кажуць з пачатку дзейнасьці кампаніі “Гавары праўду”.
Ну, адзінае, што зараз сказаў Лукашэнка наўпрост - раней ён на гэта рабіў намёкі, не называючы майго прозьвішча, а тут - назваў маё, а яшчэ і Саньнікава... Думаю, ён аб'яднаў нас таму што мы самі аб'ядналіся і зрабілі пра гэта заяву. Дык гэта - “іх адказ Чэмбэрлену”.
А разьлічаная гэтая заява на ўзмацненьне антырасейскай рыторыкі, якая, па спадзяваньнях Лукашэнкі, дапаможа яму падмануць Эўропу.
Дарэчы, я сустракаўся толькі што з магілёўскімі выбарцамі, еду цяпер назад. Тут жа землякі Лукашэнкі, ягоны электарат, аднак ніхто мне сёньня гэтага пытаньня пра расейскія грошы не задаў, ніхто такіх фактаў не прывёў. Відаць, толькі ў аднаго магілёўскага чалавека ёсьць такі факт”.
Андрэй Саньнікаў сёньня сустракаўся з выбарцамі на Салігоршчыне і яго мабільная сувязь была адключаная. Як заявілі прадстаўнікі выбарчага штабу Саньнікава, яны толькі чулі пра гэту інфармацыю, аднак дакладна ня ведаюць яе зьместу, таму пракамэнтуюць словы Лукашэнкі толькі калі пазнаёмяцца з тэкстам.
