У Бэльгіі вінавацяць ісламістаў

У Бэльгіі выставілі абвінавачаньні дзевяцём ісламістам, затрыманым у аўторак у выніку скаардынаванай апэрацыі паліцыі шэрагу эўрапейскіх краін.

Сямі асобам выстаўлены абвінавачаньні ў плянаваньні тэрактаў на тэрыторыі Бэльгіі, а таксама ў вэрбаваньні ваеўнікоў для базаванай у Чачні групоўкі. Яшчэ двух затрыманых вінавацяць у супрацоўніцтве з экстрэмістамі ў Іраку і Аўганістане.

Тры меркаваныя экстрэмісты ў аўторак былі затрыманыя таксама ў Нідэрляндах і Нямеччыне.