Затрыманыя Міхась Пашкевіч і Раман Багдановіч

Актывісты грамадзянскай кампаніі "Гавары праўду" ладзілі вулічную акцыю "Хаваць трэба сьмецьце, а не галасы".

Удзельнікі акцыі нацягвалі на сьметніцы чорныя пакеты і клеілі налепку "Хаваць трэба сьмецьце, а не галасы".

Акцыя адначасна стартавала ля гатэлю "Эўропа" і ля будынка выканкаму СНД.

Ля ГУМу супрацоўнікі спэцназу міліцыі без тлумачэньняў затрымалі Міхася Пашкевіча і Рамана Багдановіча.