Паліцыя ў Атэнах арыштавала сёньня чатырох чалавек, раскрыўшы змову ў справе дасылкі пакетаў з бомбамі прэзыдэнту Францыі Нікаля Сарказі і тром амбасадам у сталіцы Грэцыі. Адзін з арыштаваных падазраецца ў прыналежнасьці да невадомай групы, якая спэцыялізуецца на падпалах офісаў і дамоў палітыкаў. Адзін з пакетаў, адрасаваны амбасадзе Мэксыкі, загарэўся падчас сартаваньня пошты ў кур'ерскай кампаніі, ад чаго пацярпела адна супрацоўніца.