Меркаваны тэрарыст-самагубца сёньня падарваў бомбу на цэнтральнай плошчы Стамбулу, параніўшы прынамсі 15 чалавек. Паводле стамбульскай паліцыі, было паранена ў тым ліку і 9 паліцыянтаў. Прынамсі двое з параненых у цяжкім стане.
Выбух адбыўся непадалёк ад таго месца дзе сабраліся паліцыянты на выпадак дэманстрацыі. Пакуль невядома, хто адказны за выбух, але ў мінулым самагубчыя тэракты ладзілі курдзкія сэпаратысты. Ісламскія ваяўнікі таксама арганізоўвалі выбухі ў Стамбуле ў апошнія гады.