Лінкі ўнівэрсальнага доступу

Актывіст падпісаўся не за таго Лукашэнку


Кастусь Жукоўскі
Кастусь Жукоўскі
Гомельскі грамадзкі актывіст Кастусь Жукоўскі атрымаў тлумачэньні ад старшыні Цэнтравыбаркаму Лідзіі Ярмошынай наконт адкліканьня свайго подпісу за вылучэньне Аляксандра Лукашэнкі кандыдатам у прэзыдэнты на чацьвёрты тэрмін.

Спадарыня Ярмошына раіць актывісту зьвярнуцца наконт гэтага ў тэрытарыяльную камісію свайго раёну.

Як патлумачыў Кастусь Жукоўскі, ён мусіў напісаць заяву ў Цэнтравыбаркам, каб адклікаць свой подпіс за Аляксандра Лукашэнку, бо ўбачыў на адным і тым жа пікеце як бы двух розных прэтэндэнтаў:

"Насамрэч я ня ведаю, за каго падпісаўся, бо калі я падышоў да зьбіральнікаў подпісаў, мне патлумачылі, што Аляксандар Рыгоравіч Лукашэнка нарадзіўся 31 жніўня — і я за яго падпісаўся зь вялікім задавальненьнем. Празь дзень бачу — Аляксандар Рыгоравіч ужо другі, які нарадзіўся 30 жніўня. Тут як бы два чалавекі, і трэба аднаго здымаць з выбараў. Ва ўсякім разе, штосьці з гэтым трэба было рабіць".

У заяве ў Цэнтравыбаркам спадар Жукоўскі прасіў удакладніць, колькі людзей з прозьвішчам Лукашэнка балятуюцца на прэзыдэнцкі пост і хто менавіта зь іх цяпер прэзыдэнт.

Зь ліста Ярмошынай вынікае, што ў дакумэнтах дзеля рэгістрацыі ініцыятыўнай групы "датай народзінаў Лукашэнкі ўказана 30 жніўня 1954 году".

Цяпер Кастусь Жукоўскі рыхтуе заяву ў раённую выбарчую камісію, каб адклікаць свой подпіс, паколькі ён падпісаўся за Аляксандра Лукашэнку, які нарадзіўся 31 жніўня 1954 году".
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG