Індывідуальныя прадпрымальнікі сабралі больш за 8 тысячаў подпісаў пад патрабаваньнем адклікаць ухвалены Нацыянальным сходам законапраект "Аб разьвіцьці малога і сярэдняга бізнэсу".
Подпісы будуць перададзеныя ў Адміністрацыю прэзыдэнта, паведаміў кіраўнік арганізацыйнага камітэту "За свабоднае разьвіцьцё прадпрымальніцтва" Віктар Гарбачоў.
Гарбачоў кажа, што "толькі 15% зьместу закону адпавядаюць рэчаіснасьці. Астатняе — састарэла, і перашкаджае разьвіцьцю бізнэсу".
Прадпрымальнікі заклікаюць улады прыняць новы закон з улікам іхных меркаваньняў.
Калі гэтага не адбудзецца, "ніхто з прадпрымальнікаў галасаваць за ўладу ня будзе".
У Беларусі зарэгістравана 235 тыс. індывідуальных прадпрымальнікаў. Разам зь сем'ямі гэта 1 мільён чалавек.
На сустрэчы з журналістамі Гарбачоў зьвярнуўся да старшыні ЦВК Лідзіі Ярмошынай з просьбай " ня ўпісваць гэты мільён за Лукашэнку".
Віктар Гарбачоў таксама зрабіў публічную заяву: "Я — Віктар Гарбачоў і мае родныя не зьбіраемся цягам гэтай кампаніі скончваць жыцьцём самагубствам".
Свой зварот ён адрасаваў "маладым і старым ваўкам".
Больш дэталёва патлумачыць матывы сваёй заявы Гарбачоў адмовіўся.
На прэсавай канфэрэнцыі прысутнічаў патэнцыйны кандыдат на прэзыдэнта Ўладзімер Някляеў, які падпісаў заяву, каб падтрымаць прадпрымальнікаў.
Подпісы будуць перададзеныя ў Адміністрацыю прэзыдэнта, паведаміў кіраўнік арганізацыйнага камітэту "За свабоднае разьвіцьцё прадпрымальніцтва" Віктар Гарбачоў.
Гарбачоў кажа, што "толькі 15% зьместу закону адпавядаюць рэчаіснасьці. Астатняе — састарэла, і перашкаджае разьвіцьцю бізнэсу".
Прадпрымальнікі заклікаюць улады прыняць новы закон з улікам іхных меркаваньняў.
Калі гэтага не адбудзецца, "ніхто з прадпрымальнікаў галасаваць за ўладу ня будзе".
У Беларусі зарэгістравана 235 тыс. індывідуальных прадпрымальнікаў. Разам зь сем'ямі гэта 1 мільён чалавек.
На сустрэчы з журналістамі Гарбачоў зьвярнуўся да старшыні ЦВК Лідзіі Ярмошынай з просьбай " ня ўпісваць гэты мільён за Лукашэнку".
Віктар Гарбачоў таксама зрабіў публічную заяву: "Я — Віктар Гарбачоў і мае родныя не зьбіраемся цягам гэтай кампаніі скончваць жыцьцём самагубствам".
Свой зварот ён адрасаваў "маладым і старым ваўкам".
Больш дэталёва патлумачыць матывы сваёй заявы Гарбачоў адмовіўся.
На прэсавай канфэрэнцыі прысутнічаў патэнцыйны кандыдат на прэзыдэнта Ўладзімер Някляеў, які падпісаў заяву, каб падтрымаць прадпрымальнікаў.
